Pawan Kalyan: పవర్ స్టార్ పవన్ కళ్యాణ్ “వకీల్ సాబ్” తో బాక్సాఫీస్ దగ్గర అదిరిపోయే రీ ఎంట్రీ ఇవ్వడం తెలిసిందే. మొట్టమొదటిసారి లాయర్ పాత్రలో మెప్పించి అదిరిపోయే విజయాన్ని తన ఖాతాలో వేసుకున్నాడు. ఏప్రిల్ 9 వ తారీకు రిలీజ్ అయిన ఈ సినిమా టాలీవుడ్ ఇండస్ట్రీలో పాండమిక్ సీజన్ లో కళ్ళు చెదిరే కలెక్షన్లు రాబట్టింది. దాదాపు పవన్ కళ్యాణ్ సినిమా రిలీజ్ అయ్యి 3 సంవత్సరాలు గ్యాప్ వచ్చిన … ఏ మాత్రం క్రేజ్ తగ్గకుండా భారీగా సినిమాకి రికార్డు స్థాయిలో… కలెక్షన్లు రావడంతో ఇండస్ట్రీ మొత్తం ఒక్కసారిగా షేక్ అయిపోయింది. పవన్ సాధించిన విజయానికి ఇండస్ట్రీలో టాప్ హీరోలు సైతం… సోషల్ మీడియాలో అభినందించారు. మంచి జోరు మీద ఉన్న పవన్ ప్రస్తుతం ఇండస్ట్రీలో టాప్ హీరోలలో ఎవరి చేతిలో లేని సినిమాలు లైన్ లో పెట్టాడు.
ఈ క్రమంలో హరీష్ శంకర్ దర్శకత్వంలో కూడా పవన్ సినిమా ఒప్పుకున్న సంగతి తెలిసిందే. ఇదిలా ఉంటే ఈ సినిమాలో పవన్ కళ్యాణ్ ని చాలా డిఫరెంట్ యాంగిల్ లో డైరెక్టర్ హరీష్ చూపించడానికి రెడీ అవుతున్నట్లు… పవన్ స్పెషల్ హెయిర్ స్టైలిస్ట్ ఒకరు ఇటీవల సోషల్ మీడియాలో తెలియజేయడం జరిగింది. ఇప్పుడు దానికి అనుగుణంగానే చాలా డిఫరెంట్ అనగా… సినిమాలో ఫ్లాష్బ్యాక్ కి సంబంధించిన పార్ట్ లో పవన్ కళ్యాణ్ ని అభిమానులు ఇప్పటివరకు చూపించని రీతిలో చూపించడానికి రెడీ అయినట్లూ ఫిలిం నగర్ టాక్. డబల్ క్యారెక్టర్ లో పవన్ కళ్యాణ్ ని చూపించడానికి హరీష్ స్క్రిప్టు సిద్ధం చేసినట్లు టాక్.
సినిమా మొత్తనికి పవన్ కళ్యాణ్ న్యూ లుక్ హైలెట్ అవుతుందని తాజా వార్త పై ఇండస్ట్రీలో తెగ డిస్కషన్లు జరుగుతున్నాయి. ముఖ్యంగా డైరెక్టర్ హరీష్ శంకర్ పవన్ వీరాభిమాని కావడంతో పాటు గతంలో “గబ్బర్ సింగ్” అనే సూపర్ డూపర్ హిట్ ఇవడంతో… వీరిద్దరి కాంబినేషన్లో వస్తున్న కొత్త సినిమా పై అంచనాలు భారీగా ఉన్నాయి. ప్రస్తుతం పవన్ కళ్యాణ్ … రానా తో మల్టీస్టారర్…తో పాటు… క్రిష్ దర్శకత్వంలో “హరిహర వీరమల్లు” సినిమా చేస్తున్నారు. తర్వాత వెంటనే హరీష్ ప్రాజెక్టు మొదలు పెట్టనున్నట్లు టాక్. దీంతో ఇప్పటికే ఈ కొత్త హెయిర్ స్టైల్ కోసం పవన్ జాగ్రత్తలు తీసుకుంటున్నట్లు.. అందుకు తగ్గట్లు వ్యవహరిస్తున్నట్లు ఇండస్ట్రీలో వార్తలు వైరల్ అవుతున్నాయి.