Abhijeet: గత ఏడాది “బిగ్ బాస్ సీజన్ 3” టైటిల్ అభిజిత్ గెలవటం తెలిసిందే. బిగ్ బాస్ హౌస్ లో చాలా సైలెంట్ గా స్టార్టింగ్ లో కనబడిన .. అభి తర్వాత తన స్ట్రాటజీ లతో ప్రత్యర్థులకు చుక్కలు చూపించాడు. దాదాపు 11 సార్లు ఎలిమినేషన్ కి నామినేట్ అయిన అభిజిత్ చివరాకరికి టైటిల్ భారీ ఓట్లతో గెలవటం జరిగింది. హౌస్ లో ఉన్నంతకాలం అభిజిత్ ఎంటర్టైన్ చేయకపోయినా కానీ ఊహించని రీతిలో తన మైండ్ గేమ్ తో మాత్రం చాలా మందిని ఆకట్టుకోవటం జరిగింది. ఆ సమయంలో అభిజిత్ ఆడిన గేమ్ కి చాలా మంది ఇండస్ట్రీలో సెలబ్రిటీలు సపోర్ట్ చేయడం జరిగింది.
ఇదిలా ఉంటే ప్రస్తుతం కరోనా కష్టకాలంలో చాలామంది సెలబ్రిటీలు ప్రభుత్వాలకు విరాళాలు ప్రకటిస్తూ… మరోపక్క కరోనా పేషెంట్లను పేద వాళ్ళని ఆదుకుంటున్న సంగతి తెలిసిందే. ఇదే రీతిలో ఇప్పుడు బిగ్ బాస్ టైటిల్ విన్నర్ అభిజిత్ కరోనా కష్టకాలంలో ఉన్న పేద కుటుంబాలను ఆదుకోవడం జరిగింది. పూర్తి విషయంలోకి వెళితే సిద్దిపేట లో ఉన్న కొంతమంది పేద వారి కుటుంబాలకు అభి నెలకు సరిపడా సరుకులను కొనడం జరిగింది. తన ఫ్రెండ్స్ ద్వారా వారి కష్టాలను తెలుసుకుని వెంటనే స్పందించి .. ఆ కుటుంబాలకు ముడి సరుకులు అందించారని మీడియాలో వార్తలు వస్తున్నాయి.
దీంతో ఈ వార్త తెలుసుకుని అభిజిత్ ఫ్యాన్స్ మరియు సోషల్ మీడియాలో నెటిజన్లు .. అభిజిత్ పై పొగడ్తల వర్షం కురిపిస్తున్నారు. గతంలోనూ టైటిల్ గెలిచిన సమయంలో .. అభిజిత్ హైదరాబాద్ వ్యాప్తంగా ఎక్కడైతే పేదవాళ్ళు ఉన్నారు ఆ సమయంలో అనేక బహుమతులు అందించడం జరిగింది. అయితే ప్రస్తుతం దేశంలో కరోనా సెకండ్ వేవ్ తీవ్రత వల్ల అనేకమంది పేదవాళ్లు ఇబ్బందులు ఎదుర్కొంటూ ఉండటంతో .. అభి చేసిన తాజా సహాయం పట్ల సోషల్ మీడియాలో నెటిజన్లు పొగడ్తల వర్షం కురిపిస్తున్నారు.