Foods: వయసు పెరిగే కొద్దీ ఆకలి తగ్గిపోతుంది..!! సరిగ్గా పళ్ళు ఉండవు.. పైగా దవడలు నమలడానికి సహకరించవు.. వృద్ధులకు పోషకాలు ఎక్కువ ఉన్న ఆహారాన్ని త్వరగా జీర్ణమయ్యే వాటిని ఇవ్వాలి.. పెద్ద వయసు వారికి ఈ ఆహారాలు తినమని సూచిస్తున్నారు ఆరోగ్య నిపుణులు..!!
పండ్లు, కూరగాయలను వారు కొరికి తినలేరు. అందువలన స్మూతీస్ తయారు చేస్తే వారు శుభ్రంగా తింటారు. అరటి పండు, స్ట్రాబెర్రీ, పాలకూర వంటి వాటితో స్మూతీస్ చేసుకోవచ్చు. వీటిలో పోషకాలు ఎక్కువగా ఉంటాయి. ఇంకా జీర్ణ క్రియను మెరుగు పరుస్తాయి. ఓట్ మీల్ తో రకరకాల డ్రై ఫ్రూట్స్ పౌడర్ ను కలిపి రోజుకో వెరైటీ ఇస్తుంటే ఇష్టంగా తీసుకోవడమే కాకుండా శరీరానికి అవసరమైన పోషకాలు కూడా లభిస్తాయి. ఓట్స్ తో రకరకాల ఆహార పదార్థాలు తయారు చేసి ఇస్తే ఇష్టంగా తింటారు. వీరి డైట్ లో కాటేజ్ చీజ్ పన్నీరు ను యాడ్ చేయాలి. వీటిలో ప్రోటీన్స్, న్యూట్రియెంట్స్, క్యాల్షియం సమృద్ధిగా లభిస్తాయి. ఇవి రక్తంలో గ్లూకోజ్ స్థాయిలను నియంత్రణలో ఉంచుతాయి.
అన్ని రకాల వయసులవారు పెరుగుని తినడం మంచిది. ఇందులో క్యాల్షియం, ప్రొటీన్లు, పొటాషియం ఎక్కువగా ఉంటాయి. ఇందులో ప్రోబయోటిక్స్ ఎక్కువగా ఉంటుంది. ఇది శరీరానికి అవసరమైన మంచి కొలెస్ట్రాల్ ను అందించి చెడు కొలెస్ట్రాల్ ను తొలగిస్తుంది. ఉదయం, మధ్యాహ్నం పెరుగు తింటే మంచిది. రాత్రి సమయంలో పెరుగు కు బదులు మజ్జిగ తీసుకోండి. పండ్లు తిన పండ్ల రసాలను తీసుకుంటే ఎక్కువగా లిక్విడ్స్ మీ డైట్ లో భాగం చేసుకోండి. బయట దొరికే డ్రింక్స్ వాటి కంటే ఇంట్లో తయారు చేసుకునే వాటికి ప్రాధాన్యత ఇవ్వండి.