Immunity System: కరోనా పుణ్యమా అని ప్రతి ఒక్కరూ రోగ నిరోధక శక్తి పై అవగాహన పెంచుకున్నారు.. ఇమ్యూనిటీ పవర్ లేకపోతే మనం త్వరగా రోగాల బారిన పడతాం.. కొన్ని ఆహార పదార్థాలు తీసుకుంటే రోగ నిరోధక శక్తి పెరుగుతుందని అందరికీ తెలిసిందే.. అయితే ఈ ఫుడ్స్ తినడం వలన ఇమ్యూనిటీ సిస్టం వీక్ అవుతుందని మీకు తెలుసా..!? ఆ పదార్థాలు ఏంటంటే..!?
ప్రధానంగా కొవ్వు తో కూడుకున్న ఆహారాలు ఇమ్యూనిటీ సిస్టమ్ పై ప్రభావం చూపుతుంది. కొలెస్ట్రాల్ ఎక్కువగా ఉన్న ఆహార పదార్థాలు తింటే అవి రోగనిరోధక శక్తి పై ప్రభావం చూపుతాయి. శరీరంలో కొవ్వు ఎక్కువగా పేరుకు పోవడం వలన కొవ్వు కరిగించే ప్రక్రియ లో ఇమ్యూనిటీ పవర్ వీక్ అవుతుంది . వేయించిన ఆహార పదార్థాలు, బయట దొరికే చిరుతిళ్లు, నూనెలో వేయించిన ఆహార పదార్థాలు, ఫ్రై చేసిన బంగళా దుంప చిప్స్, డి ఫ్రై చేసిన ఆహార పదార్థాలు సాధ్యమైనంతవరకూ తక్కువగా తీసుకోవాలి. ఇవి ఆరోగ్యానికి హాని చేస్తాయి. రోగ నిరోధక శక్తి ని తగ్గించడంతో పాటు అధిక బరువు, గుండె జబ్బులకు దారితీస్తాయి.
ఉప్పు తక్కువగా తీసుకోవాలి.
దేహంలో సోడియం ఎక్కువగా ఉన్నా కూడా ఇమ్మునిటి సిస్టం పై ప్రభావం చూపుతుంది. అందువలన ఉప్పుతో తయారు చేసిన ఆహార పదార్థాలు తక్కువగా తీసుకోవాలి . బేకరీ ఫుడ్స్, చిప్స్, ప్రాసెస్డ్ ఫుడ్స్, ప్యాకింగ్ ఫుడ్స్ తక్కువగా తీసుకోవాలి. పంచదారను కూడా తక్కువ మోతాదులో తీసుకోవడం మంచిది. చక్కెర ఎక్కువగా ఉన్న ఆహార పదార్థాలు, తీపి పదార్థాలు, కూల్ డ్రింక్స్ కూడా రోగనిరోధక శక్తిని తగ్గిస్తాయి. చక్కెరకు బదులు బెల్లం, పటిక బెల్లం, తేనె వంటివి ఉపయోగించవచ్చు. పైన చెప్పుకున్న పదార్థాలను వీలైనంత తక్కువగా తీసుకోండి. లేకపోతే ఇవి మీ ఇమ్యూనిటీ సిస్టమ్ పై ప్రభావం చూపుతాయి. చిన్న చిన్న ఆరోగ్య సమస్యలు వచ్చినా కూడా త్వరగా తగ్గవు.