Akira Nandan: గత మూడు నాలుగేళ్ళుగా పవర్ స్టార్ పవన్ కళ్యాణ్ తనయుడు అకీరా నందన్ హీరోగా టాలీవుడ్ ఎంట్రీ ఎప్పుడుందో అని మెగా అభిమానులే కాదు..ప్రేక్షకులందరూ ఎంతో ఆసక్తిగా ఎదురుచూస్తున్నారు. ఇక ఇప్పటికే అకీరా గురించి సోషల్ మీడియాలోను చాలాసార్లు రక రకాల వార్తలు వచ్చి కూడా వైరల్ అయ్యాయి. అయితే, అకీరా మాత్రం తండ్రి లాగానే ఎక్కడా పెద్దగా కనిపించడు. ఎక్కువగా మాట్లాడడు. చాలా సైలెంట్ గా తనపనేదో తాను చేసుకుంటూ వెళ్తున్నాడు. తన తల్లిదండ్రులు పవన్ – రేణు దేశాయ్ విడిపోయిన తర్వాత నుంచి తల్లి రేణు దేశాయ్ వద్ద అకీరా ఉంటున్న విషయం తెల్సిందే.
తల్లి వద్ద పెరుగుతున్నా కూడా తండ్రి పవన్ కళ్యాణ్ మీద..మెగా ఫ్యామిలీ మీద అకీరాకు ప్రత్యేక గౌరవం మరియు అభిమానం ఉన్నాయి. అందుకే, అకిరా తండ్రి పవన్ కళ్యాణ్ తో ఎప్పుడూ కలుస్తూనే ఉంటాడు. ఇక అకీరా విషయంలో పవన్ ఎంతో శ్రద్ద చూపిస్తున్నారు. పవన్ మాత్రమే కాదు మెగాస్టార్ చిరంజీవి, నాగబాబు సహా అందరూ అకీరాను ఎంతో ఆప్యాయంగా చూసుకుంటారు. ఇదిలా ఉంటే చిరంజీవి స్వయంగా అకిరా కోసం కథలు
వింటున్నారని చాల నెలలుగా వార్తలు వస్తున్నాయి.
Akira Nandan: అకీరా బాక్సింగ్ చేస్తున్న వీడియో వైరల్..
అకీరా మెగా ఫ్యామిలీ హీరో కాబట్టే ఇండస్ట్రీ వర్గాలలోనూ ప్రత్యేకమైన ఆసక్తి. దర్శక – నిర్మాత లు కూడా తనని హీరోగా పరిచయం చేసేందుకు రెడీగా ఉన్నారు. ఈ క్రమంలోనే అకిరా కూడా కిక్ బాక్సింగ్, కరాటే వంటి మార్షల్ ఆర్ట్స్‌లో శిక్షణ తీసుకున్నాడు. హీరోకు కావాల్సిన విధంగా అన్నీ రకాలుగా సిద్ధం అవుతున్నాడు. తాజాగా అకీరా బాక్సింగ్ చేస్తున్న ఓ వీడియో సోషల్ మీడియాలో చక్కర్లు కొడుతూ వైరల్ అవుతోంది. మరి మెగా ఫ్యామిలీ అకిరాను హీరోగా పరిచయం చేసేందుకు ఎలాంటి కథను సెలెక్ట్ చేస్తారో చూడాలి.
Geetu royal: 5 నెలలుగా నరకం అనుభవిస్తున్న గీతు రాయల్.. కార‌ణం ఇదే..!