బాలీవుడ్ స్టార్ బ్యూటీ అలియా భట్ గురించి ప్ర‌త్యేక‌మైన ప‌రిచ‌యాలు అవ‌స‌రం లేదు. ఇటీవ‌లె ఈ ముద్దుగుమ్మ `ఆర్ఆర్ఆర్‌` మూవీతో టాలీవుడ్‌లోకి అడుగు పెట్టి బ్లాక్ బస్టర్ హిట్ ను ఖాతాలో వేసుకుంది. అలాగే ఈమె ప్రధాన పాత్ర‌లో న‌టించిన `గంగూబాయి కతియావాడి` కూడా మంచి విజ‌యం సాధించింది.
ఈ రెండు సినిమాల త‌ర్వాత అలియా భట్ నుంచి రాబోతున్న చిత్రం `బ్రహ్మాస్త్ర`. ఇందులో అలియా భట్.. ఆమె భ‌ర్త, బాలీవుడ్ స్టార్ హీరో రణబీర్ కపూర్ తో క‌లిసి న‌టించింది. అయాన్ ముఖ‌ర్జీ ద‌ర్శ‌క‌త్వంలో రూపుదిద్దుకున్న ఈ చిత్రంలో బీటౌన్ మెగాస్టార్ అమితాబ్ బ‌చ్చ‌న్ , మౌనీరాయ్‌, టాలీవుడ్ కింగ్ నాగార్జున కీల‌క పాత్ర‌ల‌ను పోషించారు.
సెప్టెంబ‌ర్ 9న హిందీ తో పాటు తెలుగు, తమిళ, కన్నడ, మలయాళ భాష‌ల్లో భారీ ఎత్తున విడుద‌ల కాబోతోంది. ఈ నేప‌థ్యంలోనే మేక‌ర్స్ నార్త్ తో పాటు సౌత్‌లో విసృతంగా ఈ మూవీని ప్ర‌మోట్ చేస్తున్నారు. ఇందులో భాగంగానే అలియా భట్ భ‌ర్త‌తో క‌లిసి ప్ర‌మోష‌న్స్‌లో పాల్గొంటోంది. ప్రెగ్నెంట్ అయినా స‌రే రెస్ట్ తీసుకోకుండా సినిమాను త‌న‌వంతు ప్ర‌మోట్ చేస్తోంది.
అయితే తాజాగా ర‌ణ‌బీర్‌తో క‌లిసి అలియా భట్ ఓ ప్ర‌మోష‌న‌ల్ ఈవెంట్‌లో పాల్గొంది. ఈ సంద‌ర్భంగా ఆమె ధ‌రించిన డ్రెస్ ధ‌ర ఇప్పుడు హాట్ టాపిక్‌గా మారింది. బేబీ బంప్‌ను చూపిస్తూ ఉల్లిపార లాంటి పింక్ క‌ల‌ర్ డ్రెస్, మ్యాచింగ్‌ బ్లాక్ ప్యాంట్‌ కోట్‌ ను ఆమె ధ‌రించింది. గూచీ బ్రాండ్ కు చెందిన ఈ డ్రెస్ ధ‌ర అక్ష‌రాలా రూ. 3,27,883(4100 డాలర్లు)గా చెబుతున్నారు. ఇక ఎప్ప‌టిలాగానే అలియా డ్రెస్ ధ‌ర తెలిసి అవాక్ అవాక్ అవ్వ‌డం నెటిజ‌న్ల వంతైంది.