Homemade Pasta: పాస్తా అనేది రుచికరమైన ఇటాలియన్ ఫుడ్ దీనిని అందరూ అల్పాహారం ఇష్టపడతారు.. ప్రపంచవ్యాప్తంగా పిల్లలు పెద్దలు పాస్తా రుచిని ఇష్టపడుతున్నారు. దీని తయారీలో ఉపయోగించే గోధుమపిండి ఉపయోగించి పాస్తాకు ఆకారం తీసుకువస్తారు.. ప్రస్తుతం వాయుగుండం కారణంగా వర్షాలు పడుతున్నాయి.. ఈ వాన దెబ్బకి ఏదైనా గరంగరంగా చేసుకుని తినాలనిపిస్తుంది.. అటువంటి వారికి ఈ మసాలా పాస్తా రెసిపీ పర్ఫెక్ట్ గా సెట్ అవుతుంది.. పాస్తా రెసిపీ ఎలా తయారు చేసుకోవాలో ఇప్పుడు తెలుసుకుందాం..
పాస్తా తయారీకి కావలసిన పదార్థాలు..
గోధుమ పాస్తా ఒక కప్పు, సన్నగా తరిగిన ఉల్లిపాయ ఒకటి, క్యారెట్ ఒకటి, క్యాప్సికం ఒకటి, టమాటా ఒకటి, గరం మసాలా పొడి చెంచా, అల్లం చిన్న ముక్క, వెల్లుల్లి నాలుగు రెబ్బలు, టమాటా సాస్ ఒక చెంచా, చిల్లీ సాస్ ఒక చెంచా, ఉప్పు తగినంత , పసుపు చిటికెడు, కారం అర చెంచా, ఉడికించిన స్వీట్ కార్న్ పావు కప్పు, కొత్తిమీర కొద్దిగా నూనె రెండు చెంచాలు.
ముందుగా స్టవ్ ఆన్ చేసి ఒక గిన్నె పెట్టి అందులో ఒక గ్లాస్ నీటిని వేసి బాగా మరిగించాలి. ఆ నీరు మరిగాక అందులో కొద్దిగా ఉప్పు, అర చెంచా నూనె వేయాలి. ఇందులో పాస్తాను వేసి ఉడికించాలి. పాస్తా బాగా ఉడికిన తర్వాత జల్లెడ సహాయంతో పాస్తాను వడ పోసుకోవాలి. వేడివేడి పాస్తా మీద చల్లటి నీళ్లు పోస్తే పాస్తా విడివిడిగా ఉంటుంది.
ఇప్పుడు పొయ్యి మీద మరొక బాండీ పెట్టుకొని నూనె పోయాలి. నూనె వేడెక్కాక సన్నగా తరిగిన అల్లం, వెల్లుల్లి రెబ్బలు వేసి వేయించుకోవాలి. ఆ తరువాత సన్నగా తరిగిన ఉల్లిపాయ, క్యారెట్, క్యాప్సికం, టమోటా వేసి వేయించుకోవాలి. ఇందులో గరం మసాలా, చిల్లీ సాస్, టమాటా సాస్ వేసి మరోసారి కలుపుకోవాలి. చివరగా పాస్తా వేసి కలపాలి. పాస్తా కి ఆ మసాలా మిశ్రమం అంతా పట్టేలా కలుపుకోవాలి. చివరిగా కొత్తిమీర తో గార్నిష్ చేసుకుంటే పాస్తా రెడీ. వణుకు పుట్టించే చలి లో వేడి వేడి పాస్తా తింటే ఆ కిక్కే వేరు. మీరు ట్రై చేయండి.