Aha OTT: అతి తక్కువ సమయంలోనే మంచి ప్రసిద్ధి చెందిన ఓటీటీ ఫ్లాట్ఫారంలలో ఆహా ఒకటి. ఆహా మొట్టమొదటిసారి ప్రారంభించిన నాటి నుంచి నేటి వరకు నిత్యం టాప్ లోనే కొనసాగుతుంది. ప్రముఖ టాలీవుడ్ నిర్మాత అల్లు అరవింద్ 2020లో ఆహా ని ప్రారంభించారు.
ఇక ఆహా లో అల్లు అరవింద్ తో పాటుగా జాపల్లి రాము రావు కూడా స్థాపికులుగా ఉన్నారు. ఈ వెబ్ సైట్ లో తెలుగు సినిమాలు మరియు వెబ్ సిరీస్ లు ఇతర ఇంటర్వ్యూలను నిర్వహిస్తూ ఉంటారు. ఇక ఈ ఫ్లాట్ ఫారం లో బాలయ్య హోస్ట్ గా వ్యవహరించిన అన్ స్టాపబుల్ సీజన్తో భారీ పాపులారిటీ దక్కింది.
దీంతో ఆహా కూడా నెట్ ఫిక్స్ అంతస్థాయికి ఎదిగింది. అదేవిధంగా ఇతర ఓటిటి ఫ్లాట్ ఫారమ్స్ కంటే ఆహా వెబ్సైట్ ధర తక్కువగా ఉంటుంది. దీంతో ప్రతి ఒక్కరు ఆహా ని వాడుతూ ఉంటారు. ఇక ఇదిలా ఉంటే ఆహా లో వాటా కొనుగోలు చేయడానికి సోనీ, సన్ నెట్ వర్క్ సిద్ధంగా ఉన్నట్లు వార్తలు వినిపిస్తున్నాయి.
సౌత్ ఇండియా మీడియా స్ట్రీమింగ్ ప్లాట్ఫారం ఆహా ని నడుపుతున్న అర్హా మీడియా, బ్రాడ్ కాస్టింగ్ లో సోనీ వాటా కోసం చర్చలు ప్రారంభించినట్లు నివేదికలు వెల్లడిస్తున్నాయి. ఓటిటి ఫ్లాట్ ఫారం ఆహా లో మా వాటాను కొనుగోలు చేయడంపై వచ్చిన ఊహాగానాలు పూర్తిగా నిరాధామైనవనిగా సోనీ పిక్చర్స్ నెట్వర్క్ ఇండియా స్పష్టం చేసింది. సన్ నెట్ వర్క్ కూడా ఊహాగానాలను కొట్టి పడేసింది. ఆహా రూ. 1500 నుంచి 2000 కోట్లకు వ్యాల్యూ చేస్తున్నట్లు తెలుస్తుంది. ప్రస్తుతం ఈ వార్త సోషల్ మీడియాలో వైరల్ గా మారింది.