RRR – Radhe shyam: ప్రభాస్ ప్లాన్ ఇప్పుడు ఫ్యాన్స్‌కు భారీ సర్‌ప్రైజ్ ఇవ్వబోతుందని చెప్పుకుంటున్నారు. ఈ సంక్రాంతికి రిలీజ్ కావాల్సిన రాధే శ్యామ్ సినిమా కొవిడ్ థర్డ్ వేవ్ కారణంగా పోస్ట్ పోన్ అయిన సంగతి తెలిసిందే. ఆర్ఆర్ఆర్ సినిమా రిలీజ్ తర్వాత సరిగ్గా వారం రోజుల గ్యాప్‌తో ప్రభాస్ రాధే శ్యామ్ సినిమాను ప్రపంచ వ్యాప్తంగా 7 భాషలలో రిలీజ్ చేయాలని మేకర్స్ ప్లాన్ చేశారు. కానీ, తప్పని పరిస్థితుల్లో ఈ సినిమాను పోస్ట్ పోన్ చేయాల్సి వచ్చింది. ఇక ఈ సినిమా మళ్ళీ ఇప్పట్లో రిలీజ్ అయ్యే అవకాశాలు లేవని ప్రచారం జరుగుతోంది.
ఇది ఈ మధ్య ప్రభాస్ అభిమానులను తీవ్రంగా నిరాశపరుస్తోంది. అయితే ఇప్పటికే చాలా లేట్ అయిన కారణంగా ఎట్టి పరిస్థితుల్లోనూ రాధే శ్యామ్ వీలైనంత త్వరగా ప్రేక్షకుల ముందుకు తీసుకు రావాలనుకుంటున్నారట ప్రభాస్ టీమ్. అందుకే ఈసారి ఆర్ఆర్ఆర్ సినిమా కంటే ముందు వచ్చేందుకు ప్రభాస్ డేట్ చూసినట్టు తెలుస్తోంది. మార్చ్ 17న రాధే శ్యామ్ చిత్రాన్ని ప్రపంచ వ్యాప్తంగా రిలీజ్ చేయాలని చూస్తున్నారట. త్వరలో ఈ సినిమా రిలీజ్ డేట్‌ను అధికారికంగా త్వరలో ప్రకటించబోతున్నట్టు విశ్వసనీయ వర్గాల ద్వారా అందుతున్న సమాచారం.
RRR – Radhe shyam: సలార్, ఆదిపురుష్ సినిమాలు ఈ ఏడాది వచ్చే అవకాశాలు కూడా ఉన్నాయి.
అయితే రాజమౌళి బృందం కూడా ఆర్ఆర్ఆర్ చిత్రాన్ని మార్చ్ 18న రిలీజ్ చేసేందుకు సన్నాహాలు చేస్తున్నట్టు ఫిల్మ్ సర్కిల్స్‌లో టాక్ వినిపిస్తోంది. మరి ఇదే నిజమైతే మాత్రం ఖచ్చితంగా రెండిట్లో ఓ సినిమాను ఆపాల్సి వస్తుంది. చూడాలి మరి ఆర్ఆర్ఆర్ సినిమా రాధే శ్యామ్ కోసం సైడ్ ఇస్తుందా లేక ఒక్కరోజు తేడాతో పోటీకి వస్తుందా. ఇక ఫిబ్రవరి 25న భీమ్లా నాయక్ సినిమా రిలీజ్ ఉంది. అలాగే ఈ గ్యాప్‌లో మరికొన్ని సినిమాలు ఆల్రెడీ రిలీజ్ డేట్ ఫిక్స్ చేసుకున్నారు. రాధే శ్యామ్ అఫీషియల్‌గా రిలీజ్ డేట్ కన్‌ఫర్మ్ చేస్తే మళ్ళీ ఏ ఏ సినిమా ఆగాల్సి వస్తుందో. ఇక ప్రభాస్ నటిస్తున్న సలార్, ఆదిపురుష్ సినిమాలు ఈ ఏడాది వచ్చే అవకాశాలు కూడా ఉన్నాయి.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!