రౌడీ విజయ్ దేవరకొండ క్రేజ్ “అర్జున్ రెడ్డి” సినిమాతో ఒక్కసారిగా మారిపోయిన సంగతి తెలిసిందే. సందీప్ రెడ్డి వంగ దర్శకత్వంలో తెరకెక్కిన “అర్జున్ రెడ్డి” 2017వ సంవత్సరం ఆగస్టు 25వ తారీకు విడుదల అయ్యి బ్లాక్ బస్టర్ విజయం సాధించింది. ఓవర్ నైట్ లో విజయ్ దేవరకొండ తలరాత మార్చేసింది. ఇదే సినిమా సౌత్ లో పలు భాషలలో రీమేక్ కావటం జరిగింది. హిందీలో కూడా కబీర్ సింగ్ గా తెరకెక్కించి సందీప్ రెడ్డి వంగ అద్భుతమైన విజయం తన ఖాతాలో వేసుకోవడం జరిగింది.
మళ్లీ ఇప్పుడు అదే తారీకు నాడు “లైగర్” విజయ్ దేవరకొండ విడుదల చేస్తూ ఉండటంతో అర్జున్ రెడ్డి సెంటిమెంట్ ని నమ్ముకున్నట్లు ఫ్యాన్స్ రియాక్ట్ అవుతున్నారు. అర్జున్ రెడ్డి విడుదలైన ఆగస్టు 25వ తారీఖు నాడు “లైగర్” ప్రపంచ స్థాయిలో విడుదలవుతూ ఉంది. పాన్ ఇండియా నేపథ్యంలో తెరకెక్కిన ఈ చిత్రాన్ని డైరెక్టర్ పూరి జగన్నాథ్ దర్శకత్వం వహించారు. ప్రస్తుతం విజయ్ దేవరకొండ వరుస ఫ్లాప్ లలో ఉన్నాడు. దీంతో ఆశలన్నీ “లైగర్” పైనే పెట్టుకోవడం జరిగింది.
ఈ సినిమా కోసం దాదాపు రెండు సంవత్సరాల కంటే ఎక్కువగానే కష్టపడటం జరిగింది. వచ్చే గురువారం “లైగర్” రిలీజ్ అవుతున్న క్రమంలో… సినిమా రిజల్ట్ ఎలా ఉంటుందో అని ఫ్యాన్స్ తెగ కంగారు పడుతున్నారు. సినిమాలో విజయ్ దేవరకొండ సరసన అనన్య పాండే హీరోయిన్ గా నటించింది. ఆదివారం నాడు ఈ సినిమాకి సంబంధించి గుంటూరులో “ప్రీ రిలీజ్” ఈవెంట్ జరిగింది. భారీ ఎత్తున అభిమానులు ఈ వేడుకకు హాజరు కావడంతో మీరు ఒక్కొక్కరు ఒక టికెట్ కొన్న చాలు మా సినిమా బ్లాక్ బస్టర్ విజయం సాధిస్తుందని డైరెక్టర్ పూరి తనదైన శైలిలో కామెంట్లు చేశారు.