SS Rajamouli: డైరెక్టర్ ఎస్.ఎస్ రాజమౌళి గురించి ప్రత్యేకంగా చెప్పనవసరం లేదు. చలనచిత్ర రంగంలో ఇప్పటివరకు పరాజయం లేని దర్శకుడిగా.. ఆయనకంటూ ట్రాక్ రికార్డు ఉంది. 2001వ సంవత్సరంలో దర్శకుడిగా జూనియర్ ఎన్టీఆర్ తో “స్టూడెంట్ నెంబర్ వన్” సినిమాతో ప్రయాణం స్టార్ట్ చేసి 2022..”RRR”తో కలిపి మొత్తం 12 సినిమాలు బ్లాక్ బస్టర్ విజయాన్ని అందుకోవడం జరిగింది. “బాహుబలి” సినిమా తర్వాత రాజమౌళి అంతర్జాతీయ స్థాయిలో అందరి దృష్టిని ఆకర్షించడం జరిగింది. “బాహుబలి 2” భాగాలతో పాటు “RRR” సినిమాలతో భారతీయ చలన చిత్ర పరిశ్రమ రూపురేఖలు మార్చేయడం జరిగింది.
ప్రపంచ గొప్ప దర్శకుడు జేమ్స్ కామెరూన్ సైతం రాజమౌళితో కలిసి పని చేయాలని ఉందని అంతర్జాతీయ మీడియాలో తెలియజేయడం విశేషం. “RRR” ప్రపంచ స్థాయిలో రాజమౌళికి మంచి కీర్తిని తీసుకొచ్చింది. ఈ సినిమా ఆస్కార్ అవార్డు కూడా గెలవడం జరిగింది. దీంతో రాజమౌళికి హాలీవుడ్ నుండి కూడా ఆఫర్లు వచ్చాయి. తెలుగు చలనచిత్ర పరిశ్రమలో ఇప్పటివరకు పరాజయం లేని దర్శకుడిగా పేరుందినా రాజమౌళి.. రెమ్యూనరేషన్ పరంగా హీరో కంటే ఎక్కువ తీసుకునే స్థాయిలో ఉంటారని ప్రచారం ఉంది. ఒక్క రెమ్యూనరేషన్ మాత్రమే కాదు షేర్స్ కూడా ఆయన రెమ్యూనరేషన్ లో భాగమని అంటుంటారు. ఈ రకంగా గత కొన్ని వందల కోట్లు జక్కన్న సంపాదిస్తూ ఉన్నారు. అయితే ఎంత సంపాదించినా ఖర్చు విషయంలో మాత్రం రాజమౌళి చాలా ఆచితూచి నిర్ణయాలు తీసుకుంటారు. ఖర్చు పెట్టే ప్రతి రూపాయి ఒక బుక్ లో రాసుకోవడం జక్కన్నకి అలవాటంట.
ఒక్క రూపాయి కూడా వృధాగా పోకుండా చాలా జాగ్రత్తగా ఉంటారట. మరి అటువంటి పొదుపు కలిగిన వ్యక్తి అయినా రాజమౌళికి వచ్చే వందల కోట్లను చాలా వరకు రియల్ ఎస్టేట్ మరియు రెస్టారెంట్ ఇండస్ట్రీలలో పెట్టుబడులు పెడతారట. భవిష్యత్తును దృష్టిలో పెట్టుకుని ఆర్థిక భద్రత పరంగా ఆలోచిస్తూ… డబ్బు విషయంలో రాజమౌళి చాలా జాగ్రత్తగా ఉంటారట. సినిమాలు ఆపేస్తే తర్వాత అనేదాన్ని దృష్టిలో పెట్టుకుని పెట్టుబడులు పెడుతూ ఉంటారట. తన చేతికి వచ్చే ప్రతి డబ్బులు వృధాగా ఖర్చు పెట్టకుండా రాజమౌళి ఒక ప్లానింగ్ ప్రకారం.. ఆదాయాన్ని పలు రంగాలలో పెట్టుబడులు కింద పెడుతుంటారట. ఈ రకంగా చాలా తెలివిగా డబ్బును జక్కన్న పొదుపు చేసుకుంటారట.