Cucumber: వేసవి కాలం వచ్చిందంటే ప్రతి ఒక్కరి డైట్ లో కీరదోస భాగం కావాల్సిందే.. ఇది అందించే ప్రయోజనాలు అలాంటివి మరి.. వేసవి ఉష్ణతాపాన్ని తగ్గించడం మాత్రమే కాకుండా శరీరానికి కావలసిన పోషకాలను కూడా అందిస్తుంది..! సాధారణంగా కీరదోసను సలాడ్, శాండ్విచ్ లలో తీసుకుంటూ ఉంటారు. ప్రతి రోజూ ఒక గ్లాసు కీరదోస రసం తీసుకుంటే మన శరీరంలో ఎలాంటి మార్పులు జరుగుతాయో చూడండి..!
కీరదోస లో విటమిన్ సి, కె, ఏ, మెగ్నీషియం, పొటాషియం, మాంగనీస్, పీచుపదార్ధాలు, ఫ్లేవనాయిడ్స్, లిగ్నన్స్, బీటా కెరోటిన్ ఉంటాయి.. కీరదోస జ్యూస్ అద్భుతమైన డిటాక్స్ డ్రింక్స్ లాగా పనిచేస్తుంది. ఉదయం పరగడుపున కీరదోస రసం తాగితే శరీరంలోని విష పదార్థాలను బయటకు నెట్టివేసి బరువు తగ్గడానికి సహాయపడుతుంది. కీరదోస లో క్యాలరీల తో పాటుగా కార్బోహైడ్రేట్స్, సోడియం, కొవ్వులు చాలా తక్కువ పరిమాణంలో ఉంటాయి. కీరదోస లో 90 శాతం వరకు నీరు ఉంటుంది కచ్చితంగా దీనిని ఆహారంలో తీసుకోవాలి అని ఆరోగ్య నిపుణులు చెబుతారు.
కీరదోస లో ఉండే పొటాషియం అధిక రక్తపోటును నియంత్రణలో ఉంటుంది. డయాబెటిస్ లెవెల్స్ ను కూడా తగ్గిస్తుంది. వేసవి తాపం నుంచి బయటపడేస్తుంది. ఎండ దెబ్బ బారీన పడకుండా చేస్తుంది. ఇందులో ఉండే విటమిన్ కె గాయాలు అయినప్పుడు రక్తస్రావం జరగకుండా చేస్తుంది. నిద్రలేమితో బాధపడేవారికి కీరదోస జ్యూస్ గాఢమైన నిద్ర పడుతుంది. ఇందులో ఉండే విటమిన్ సి రోగ నిరోధక శక్తిని పెంపొందించడం తో పాటు అనేక రకాల వ్యాధుల బారిన పడకుండా చేస్తుంది.