Poppy Seeds: మనకు లభించే సుగంధ ద్రవ్యాలలో గసగసాలు ఒకటి.. తెల్లగా చిన్నగా ఉండే గసగసాలు ఏ రోజుల్లో మనం వంటల్లో ఎక్కువగా ఉపయోగిస్తున్నాం.స కానీ పూర్వం వీటిని మందుల తయారీలో ఉపయోగించేవారు.. గసగసాల నుండి నల్ల మందును తయారు చేస్తారు.. గసగసాలు కూరకి రుచిని అందించడంతోపాటు మన ఆరోగ్యానికి ఎంతో మేలు చేస్తాయి.. గసగసాలు వలన కలిగే ఆరోగ్య ప్రయోజనాలు గురించి ఇప్పుడు తెలుసుకుందాం..
Poppy Seeds: గసగసాల తో ఆ సమస్యలకు చెక్..!!
గసగసాలు లో క్యాల్షియం, పాస్ఫరస్, మాంగనీస్, మెగ్నీషియం, జింక్, ఐరన్ వంటి ముఖ్యమైన ఖనిజాలను కలిగి ఉంది. ఇంకా వీటిలో అధిక మొత్తంలో థయామిన్, ఫోలెట్ ఉన్నాయి. అంతే కాకుండా లినోలెయిక్ ఆమ్లం ఎక్కువగా ఉంది. ఒమేగా ఫ్యాటీ 3 యాసిడ్స్, ప్రోటీన్స్, కార్బోహైడ్రేట్స్ సమృద్ధిగా లభిస్తాయి. ఇవి అనేక శరీర రుగ్మతలను తగ్గించడంలో సహాయపడతాయి. ఇందులో ఉండే ఫైబర్ మలబద్దకం (Constipation) నుంచి ఉపశమనం కలిగిస్తుంది. రోగ నిరోధక శక్తి (Immunity) ని పెంచుతుంది.
నోటి పూత (Mouth Ulcer) లను తగ్గించడానికి దోహదపడతాయి. కంటి ఆరోగ్యాన్ని కాపాడతాయి. దృష్టి సమస్య లతో బాధపడేవారు వీటిని ఎక్కువగా తీసుకోవాలి. గసగసాలు దృష్టిని మెరుగు పరుస్తాయి. ఉబ్బసం నుంచి తలనొప్పి వరకు అనేక రకాల ఔషధల తయారీలో గసగసాలను ఉపయోగిస్తారు.
శరీరం లో వేడి తగ్గించడానికి గసగసాలు అద్భుతంగా పనిచేస్తాయి. గసగసాలు ముందుగా కొన్ని నీళ్లు పోసి నానబెట్టాలి. వాటిని మెత్తగా నూరుకోవాలి. ఇందులో కొంచెం పటిక బెల్లం కలిపి ప్రతి రోజు తీసుకుంటే శరీరంలో ఉన్న వేడిని తగ్గిస్తుంది. శరీరానికి చలువ చేస్తుంది. గసగసాలు, పటిక బెల్లం ఈ రెండింటినీ కలిపి పొడి చేసుకోవాలి. రోజుకు రెండు సార్లు ఈ మిశ్రమాన్ని తీసుకుంటే జిగట విరోచనాలు (Viscous diarrhea ) తగ్గుతాయి. నిద్ర సరిగా పట్టడం లేదా అయితే నిద్రపోయే ముందు గసగసాలను తీసుకొని వేడి చేసి ఒక వస్త్రంలో వేసి మూటకట్టి వాటి వాసన చూస్తూ ఉంటే త్వరగా నిద్ర పడుతుంది. నిద్రలేమి (Insomnia) సమస్యతో బాధపడుతున్న వారికి గసగసాలు చక్కటి ప్రత్యామ్నాయంగా చెప్పవచ్చు.
10 గ్రాముల గసగసాలు తీసుకొని వాటిని నానబెట్టి ముద్దగా నూరుకోవాలి. అందులో అర కప్పు పాలు కలపాలి. ఈ మిశ్రమంలో 20 గ్రాముల పటిక బెల్లం కలిపి రోజుకు రెండు సార్లు తాగుతూ ఉంటే వీర్య స్తంభన (Ejaculation) తగ్గుతుంది. శృంగార సామర్థ్యం పెరుగుతుంది. సంతానోత్పత్తి (Fertility) సమస్యలను తగ్గిస్తుంది. గసగసాలను నీటిలో నానబెట్టి ముద్దగా నూరుకోవాలి. ఈ మిశ్రమాన్ని జుట్టు కుదుళ్లకు పట్టించి అరగంట తర్వాత కుంకుడుకాయ రసం తో తలస్నానం చేయాలి .ఇలా చేయడం వల్ల చుండ్రు (Dandruff) తగ్గుతుంది. జుట్టు ఆరోగ్యంగా ఉంచుతుంది. జుట్టు కుదుళ్లను సంరక్షిస్తుంది.