Headache: తలనొప్పి సాధారణంగా ప్రతి ఒక్కరు ఎప్పుడో ఒక్కసారి పలకరించే ఉంటుంది.. ఆఫీసులో పని ఒత్తిడి పెరిగిన, ఇంట్లో ఆర్థిక సమస్యలు చుట్టుముట్టిన, ప్రయాణాలు చేసినా, ఎండలో ఎక్కువగా తిరిగినా, భోజనం చేయడానికి ఆలస్యమైనా, నిద్ర సరిగ్గా పోకపోయినా తలనొప్పి వస్తుంది..!! కారణాలు ఏమైనప్పటికీ తలనొప్పి వస్తే ఓ పట్టాన తగ్గదు.. జ్యూస్ తాగితే తలనొప్పి తగ్గుతుంది వినడానికి ఆశ్చర్యంగా ఉన్నప్పటికీ ఇది నిజమే ఇంతకీ ఏ జ్యూస్ తాగితే తలనొప్పి తగ్గుతుందో ఇప్పుడు తెలుసుకుందాం..!!
కొన్నిసార్లు డీహైడ్రేషన్ కారణంగా కూడా తలనొప్పి వస్తుంది. అందుకని ఒక గ్లాసు నిండా చల్లటి నీళ్ళు తీసుకొని తాగితే తక్షణమే తలనొప్పి నుంచి ఉపశమనం అందిస్తుంది. తలనొప్పి తగ్గడానికి క్యారెట్ కీరదోస అద్భుతంగా పనిచేస్తాయి. క్యారెట్ జ్యూస్, కీరదోస జ్యూస్ తాగితే తలనొప్పి నుంచి వెంటనే రిలీఫ్ ఇస్తాయి. లేదంటే నిమ్మకాయ జ్యూస్ ను తయారు చేసుకొని తాగవచ్చు.
ఒక గ్లాసు గోరువెచ్చని నీటిలో కొద్దిగా ఉప్పు నిమ్మరసం వేసుకుని తాగితే తలనొప్పి నుంచి స్వాంతన లభిస్తుంది. మైగ్రేయిన్ తలనొప్పితో బాధపడుతూ ఉంటే నిమ్మరసం తాగితే మెరుగైన ఫలితాలు కనిపిస్తాయి. కొన్ని కొన్ని సార్లు మనం తీసుకున్న ఆహారం వలన కూడా తలనొప్పి రావచ్చు. అప్పుడు ఆ ఆహారాన్ని తినకుండా ఉండటమే మంచిది.