Lunar Eclipse: నేడే చంద్రగ్రహణం.. 2022 చివరి చంద్రగ్రహణం ఈరోజు 8 నవంబర్ తేదీన మంగళవారం నాడు అంటే నేడు సంభవించనుంది.. ఈ చంద్రగ్రహణం అనేక దేశాలలో కూడా కనిపిస్తుంది. సూర్యుడు చంద్రుని మధ్య భూమి వచ్చినప్పుడు చంద్రగ్రహణం ఏర్పడుతుంది. తద్వారా సూర్యకాంతి చంద్రుని పై పడకుండా భూమి అడ్డుకుంటుంది. ఇక ఆ సమయంలో చంద్రగ్రహణం లేదా సంపూర్ణ చంద్రగ్రహణం అవుతుంది..
చంద్రగ్రహణం నవంబర్ 8 మంగళవారం సాయంత్రం 5:32 గంటలకు ప్రారంభమవుతుంది. సాయంత్రం 6:18 గంటలకు ముగుస్తుంది. మొత్తం చంద్రగ్రహణం దశ వ్యవధి 1 గంట 24 నిమిషాలు 28 సెకండ్ల పాటు ఏర్పడుతుంది. పాక్షిక దశ వ్యవధి మూడు గంటలు 38 నిమిషాలు 35 సెకండ్ల పాటు ఉంటుంది. భారత దేశంలో చంద్రగ్రహణం సూత కాలం గ్రహణానికి 9 గంటల ముందు ప్రారంభమవుతుంది. దృక్ పంచాంగం ప్రకారం అంటే చంద్రగ్రహణానికి ముందు నేడు ఉదయం 9: 21 నిమిషాలకు ప్రారంభమవుతుంది. చంద్ర గ్రహణం సూతకం నవంబర్ 8 సాయంత్రం 6:18 తర్వాత ముగుస్తుంది..
చంద్రగ్రహణం ను అశ్విని, భరణి, కృత్తిక నక్షత్రాల వారు చూడకూడదు. ఈ చంద్రగ్రహణం సమయంలో గర్భిణీ స్త్రీలు జాగ్రత్తగా ఉండాలి గ్రహణ సమయంలో ఎట్టి పరిస్థితుల్లోనూ ఆహారం తీసుకోకూడదు. ఖగోళంలో సంభవించే మార్పులు గ్రహాల కదలికలు గ్రహణాలు, భూమిపై ఉన్న మనుషుల ఆరోగ్యం పై ప్రభావం చూపుతాయని బలంగా నమ్ముతారు. గ్రహణ సమయంలో ఎట్టి పరిస్థితుల్లోనూ ఆహారం తీసుకోకూడదు. ఇంట్లో పనులు చేయకూడదు. పదునైన వస్తువులకు దూరంగా ఉండాలి. పట్టు విడుపు స్నానాలను కచ్చితంగా ఆచరించాలి. గ్రహణ సమయంలో మీకు నచ్చిన దైవారాధన చేస్తే సత్ఫలితాలు కలుగుతాయని పండితులు చెబుతున్నారు.