మూఢం అనేది ఎప్పుడో ఒకప్పుడు వింటుంటాం. పెండ్లిల్లు, గ్రహప్రవేశాలు వంటి వాటికి సంబంధించిన సమయంలో పండితులు ఈ మాటను వాడుతుంటారు. ఈ సమయంలో శుభకార్యం చేయకూడదా? పెండ్లిచూపులు, పాలు పొంగించడం వంటివి నిషేధమా తెలుసుకుందాం…
జ్యోతిష్య శాస్త్ర ప్రకారం రవితో ఏ గ్రహం కూడి ఉంటుందోఆ కూడి ఉండే కాలానికి ఆ గ్రహం యొక్క మూఢం లేదా మౌఢ్యం అని అంటారు. సూర్యుడు ఉన్న పగటి వేళ లో ఏవిధము గా దివిటీ లేదా ట్యూబ్ లైట్ తన సంపూర్ణ వెలుగు ఇవ్వలేదో ( సూర్యుని ముందు దివిటీలా? అనే నానుడి మనకు తెలిసినదే కదా!) అదే విధముగా రవి తో నిర్దేశిత కాల వ్యవధిలో కూడి ఉన్న గ్రహాలు ఆ యా కాలములలో తమ సంపూర్ణ ఫలితములు ఇవ్వలేవు.
సూర్యుడు 12 రాసులలో ఒక్కో రాశిలో సుమారు ఒక్కో నెల ఉంటాడు. సూర్యుడు ఉన్న రాశిలోకి సంబంధిత గ్రహము ప్రవేశించినా, సంబంధిత గ్రహము ఉన్న రాశి లోకి సూర్యుడు ప్రవేశించినా; అలా ఉన్న కాలాన్ని ఆ గ్రహమునకు సంబంధించిన మూఢము గా పండితులు తెలియజేస్తారు… ఈ విధము గా ప్రతి గ్రహము నకు సంబంధించిన మూఢం ఉన్నప్పటికీ, మనపై ఎక్కువగా ప్రభావము చూపించే లేదా ఉపయోగపడే శుక్రుడు, గురువు గ్రహములకు సంబంధించిన మూఢము లకు అధిక ప్రాధాన్యత ఇవ్వడం జరిగింది. భోగ భాగ్యాలు, వాహనాలు, వివాహాది శుభ కార్యక్రమ ఫలితాలు శుక్రుడు ఇస్తాడు, అలాగే సంతానము, సౌభ్రాతృత్వము, విద్య, వివేకము, విజ్ఞానము మొదలగు ఫలితాలు గురువు ఇస్తాడు….
అటువంటి శుక్రుడు రవితో కలసి ఉన్న సమయాన్ని శుక్ర మూఢము అంటాము… ఈ సమయము లో శుక్రుడు తన సంపూర్ణ ఫలితాలు అందజేసే స్థితిలో ఉండడు… కాబట్టి వివాహాది శుభ కార్యక్రమాలు చెయ్యరు. పెళ్ళికి నాంది పెళ్లి చూపులే కాబట్టి; మూఢము లో పెళ్లి చూపులు ఏర్పాటు చేయరాదు. మూఢము పూర్వము పెళ్లి చూపులు అయి అంగీకారము కుదిరితే; పెళ్లి విషయములు ఇరువైపుల పెద్దలు మూఢము లో మాట్లాడుకోవచ్చు. పైన చెప్పిన విషయాలను పాటించి మంచి ఫలితాలను పొందండి.