Monal బిగ్బాస్ తెలుగు నాలుగో సీజన్ లో ప్రేమజంట అఖిల్-మోనాల్ ఇంటిలో ఎంత క్లోజ్ గా ఉంటారో అందరం చూశాం. అసలు వారు ప్రవర్తించిన తీరును చూసి వీరిద్దరు నిజంగానే ప్రేమ లో ఉన్నారా అని అనుమానం కలిగేలా కనిపించారు. బయటకు వచ్చిన తర్వాత కూడా మిగతా వారిలాగా ఎవరి దారి వారిదే అన్నట్లు కాకుండా తరచూ కలవడంతో పాటు స్నేహంగా పార్టీలు కూడా చేసుకుంటున్నారు.
ఇక అఖిల్ వల్ల మోనాల్ కి…. మోనాల్ వల్ల అఖిల్ కు గుర్తింపు వచ్చిందని అందుకే వారిద్దరూ ఫైనల్ వరకు చేరుకున్నారు అని ప్రేక్షకులతో పాటు చాలామంది ఫీలయ్యారు. దాని తర్వాత వీరిద్దరి పెళ్లి గురించి జనాలు పదేపదే అడుగుతున్నారు. మొన్న మోనాల్ హైదరాబాద్ లో ల్యాండ్ అయినప్పుడు అక్కడ ఉన్న జనాలు అందరూ అఖిల్ ఎలా ఉన్నాడు అని అడగడం మొదలుపెట్టారు.
బిగ్ బాస్ తర్వాత ఒక వైపు సినిమాలు మరో వైపు బుల్లితెరపై బిజీ అయిపోయిన మోనాల్ సోషల్ మీడియాలో ఈ మధ్య రెగ్యులర్ గా కనిపిస్తోంది. కొంతమంది అయితే ఆమెను వదిన…. మా అన్న అఖిల్ తో పెళ్లి ఎప్పుడు అని ప్రశ్నిస్తున్నారు. తాజాగా ఒక లైవ్ చాట్ లో కూడా ఒక వ్యక్తి ఇదే ప్రశ్న అడిగినప్పుడు సమాధానం చెబుతూ మోనాల్…. అసలు మా ఇద్దరి పెళ్లిని మీరు ఎలా డిసైడ్ చేస్తారు? అని అడిగింది.
Akhil – Monal కలిసేలా ఉన్నారే….
మా పెళ్లి డిసైడ్ చేయాల్సింది మా అమ్మ కదా అంటూ చెప్పుకొచ్చింది. అంటే అమ్మ పెళ్లి ఒప్పుకుంటే అఖిల్ ను పెళ్ళి చేసుకునేందుకు మోనాల్ కి ఎలాంటి ఇబ్బంది లేదు అన్నమాట అని విపరీతమైన కామెంట్లు చేస్తున్నారు. మొత్తానికి బిగ్బాస్ ముగిసిపోయి నెలలు గడిచిపోయినా వీరిద్దరి సందడి మాత్రం ఇంకా కొనసాగుతూనే ఉంది.