వంగలపూడి అనిత తెలుగుదేశం పార్టీలో ఫైర్ బ్రాండ్ లీడర్ 2014 ఎన్నికలకు ముందు ప్రభుత్వ ఉపాధ్యాయురాలుగా ఉన్న అనితకు చివర్లో అనూహ్యంగా పాయకరావుపేట సీటు దక్కింది. ఆ ఎన్నికల్లో ఆమె వైసీపీ నుంచి పోటీ చేసిన సీనియర్ రాజకీయ నేత చెంగల వెంకట్రావును స్వల్ప మెజార్టీతో ఓడించి అసెంబ్లీలో అడుగు పెట్టారు. బలమైన వాయిస్ వినిపించడంతో పాటు వైసిపిపై తీవ్ర స్థాయిలో విరుచుకుపడేవారు. అయితే ఐదేళ్లలో లోకల్ గా పార్టీ కేడర్ నుంచి తీవ్రమైన వ్యతిరేకత ఎదుర్కొన్నారు. అనిత ఎలాగైనా అసెంబ్లీలో ఉండాలన్న పట్టుదలతో చంద్రబాబు పట్టుబట్టి ఆమెను పశ్చిమగోదావరి జిల్లాలోని కొవ్వూరు నుంచి గత ఎన్నికల్లో పోటీ చేయించారు.
ఆ ఎన్నికల్లో ఆమె ప్రస్తుతం హోంమంత్రి తానేటి వనిత చేతిలో ఓడిపోయారు. అనంతరం అనితకు తిరిగి పాయకరావుపేట ఇన్చార్జి పగ్గాలు అప్పగించారు. ఈ ఎన్నికల్లోను అనిత పాయికరావుపేట నుంచి పోటీ చేసేందుకు నియోజకవర్గంలో పర్యటనలు చేస్తున్నారు. అయితే గత ఎన్నికలకు ముందే లోకల్ టిడిపి క్యాడర్ అనితను తీవ్రంగా వ్యతిరేకించడంతో చంద్రబాబు ఆమెను కొవ్వూరులో పోటీ చేయించారు. ఈసారి కూడా అనితకు సీటు ఇస్తే ఖచ్చితంగా ఓడిస్తామని.. తాము ఆమె గెలుపు కోసం పని చేసే ప్రసక్తే లేదని సీనియర్ నేతలు కుండబద్దలు కొడుతున్నారు.
లోకేష్ అయితే అనితను ఎలాగైనా గెలిపించాలని విశ్వ ప్రయత్నాలు చేస్తున్నారు. అయితే స్థానిక టిడిపి క్యాడర్ నుంచి తీవ్రమైన వ్యతిరేకత కనిపిస్తోంది. అనితకు సీటు ఇస్తే జనసేన కేడర్ కూడా ఆమెకు పని చేయమని తేల్చి చెబుతున్నారు. అనితకు కాకుండా ఎవరికి సీటు ఇచ్చిన తాము పని చేస్తామని ఆమెకి ఇస్తే తామంతా వైసీపీకే ఓట్లు వేస్తామని తేల్చి చెబుతున్నారు. పైగా పాయకరావుపేటలో సిట్టింగ్ వైసీపీ ఎమ్మెల్యే గొల్ల బాబురావు జగన్ రాజ్యసభకు ఎంపిక చేశారు. విజయనగరం జిల్లా రాజాం ఎమ్మెల్యే కంబాల జోకులు అక్కడ ఫ్రెష్ క్యాండెట్ గా రంగంలోకి దిగుతున్నారు.
వైసిపి అభ్యర్థి పై నియోజకవర్గంలో వ్యతిరేకత కూడా లేదు. ఈ టైంలో సొంత పార్టీ క్యాడర్లో తీవ్రమైన వ్యతిరేకత ఉన్న అనితకు సీటు ఇస్తే టిడిపితో పాటు జనసేన నుంచి కూడా సహకారం వచ్చే పరిస్థితి లేదు. అందుకే ఇప్పుడు పాయకరావుపేటలో టిడిపి అభ్యర్థిని మార్చాలా లేదా జనసేన కోరుతుండడంతో వాళ్లకు ఇచ్చేయాలా అన్న చర్చలు టీడీపీలో జరుగుతున్నాయి. లోకేష్ అనితను ఎలాగైనా మళ్లీ అసెంబ్లీకి తీసుకురావాలని పట్టుబడుతున్నా అది నెరవేరేలా లేదు. ఇక పవన్ గట్టిగా కోరుతున్న సీట్లలో పాయికరావుపేట కూడా ఉండటం విశేషం. ఏది ఏమైనా వంగలపూడి అనిత పరిస్థితి ఇప్పుడు ముందు నుయ్యి వెనక గొయ్యి అన్న చందంగా మారింది.