Fenugreek seeds: సహజసిద్దంగా లభించే ఆకుకూరలు మన ఆరోగ్యానికి ఎంతో మేలుచేస్తాయి. అలాంటి వాటిల్లో మెంతికూర Fenugreek seeds కూడా ఒకటి. మెంతి కూర లో అనేక రకములైన పోషకాలు ఉన్నాయి. అదేవిధంగా మెంతులు కూడా మన ఆరోగ్యానికి ఎంతగానో ఉపయోగపడతాయి. మెంతులు, మెంతి కూరలో ప్రోటీన్లు, ఫాస్పరస్, కాల్షియం, ఐరన్ ఎక్కువగా ఉంటాయి. వీటివల్ల మన ఆరోగ్యానికి గల ప్రయోజనాలేమిటో చూద్దాంఎలాంటి ప్రయోజనం కలుగుతుందో తెలుసుకుందాం.
మెంతులు అంతర్గతం గా మన జ్ఞాపక శక్తిని పెంచుతాయి.శరీరం లో పెరుగుతున్న కొవ్వుని తగ్గించి అధిక బరువుని తగ్గిస్తాయి. ఒక గ్లాసు గోరువెచ్చని నీళ్లల్లో ఒక స్పూను మెంతులు, నానబెట్టి ఉదయం పరగడుపున తాగడం వల్ల అధిక బరువు చాల తేలికగా తగ్గవచ్చు.అన్నం మొదట ముద్ద లో మెంతి పొడినితినడం వల్ల షుగరు అదుపులో ఉంటుంది. అంతేకాకుండా రక్త హీనత కూడా తగ్గిపోతుంది. మెంతి కూర జీర్ణ శక్తిని పెంచి, జీర్ణమైన ఆహారం శరీరానికి ఒంట బట్టేలా చేయడమే కాక.. మలబద్దకాన్ని తగ్గిస్తుంది. ఇది ప్రేగుల్లో ని కండను కరిగించి, పేరుకుని ఉన్న మాలిన్యాలను తొలగించి జీర్ణవాహికను శుభ్రం గా ఉండేలాచేయడం తో పాటు రక్తాన్ని శుభ్రపరుస్తుంది.
మెంతికూర స్త్రీ లలో హార్మోన్ల హెచ్చు తగ్గుల్ని సరిచేస్తుంది. మెంతి ఆకులు ముద్దగా నూరి కొంచెం నెయ్యి కలిపి ఉడికించి, గోరువెచ్చగా ఉన్నప్పుడు వాచిన గడ్డల పై కడితే వాపు, గడ్డ లుతగ్గిపోతాయి. స్త్రీలలో నెలసరి సమయంలో సాదారణంగా వచ్చే నొప్పికి మెంతులు మంచి ఔషదంలా పని చేస్తాయి.ఆ సమయంలో మెంతికూర తినడం కూడా చాలా మంచిది.
పావు గ్లాసు నీళ్లతో కొంచెం మెంతిపొడి మరగనిచ్చి చల్లారిన తరువాత తాగితే గొంతులో కఫం తగ్గి, జలుబు, దగ్గు మాయమవుతాయి. మెంతికూర ను ఉడికించి పట్టులా వేసుకుంటే మోకాళ్ల నొప్పులు తగ్గిపోతాయి. వారం లో కనీసం మూడు సార్లయినా మెంతికూర ఆహారం లో తీసుకుంటే శరీరం ప్రకాశవంతమవుతుంది.
ఒక స్పూను మెంతులు ఒక కప్పు పెరుగులో కానీ మజ్జిగ లో కానీ నానబెట్టి తినడం వలన విరేచనాలు, జిగట విరేచనాలు కూడా తగ్గిపోతాయి.