Crime News: ఇటీవల ఓ యువతి తనను ఓ వ్యక్తి లైంగికంగా వేధిస్తున్నాడు అంటూ రాచకొండ సైబర్ క్రైమ్ డిపార్ట్ మెంట్ కు ఫిర్యాదు చేసింది. తనకు మొదట ఫేస్ బుక్ లో ఓ తెలియని వ్యక్తి నుంచి ఫ్రెండ్ రిక్వెస్ట్ వచ్చిందని, మళ్ళి మళ్ళి రిక్వెస్ట్ పెడుతుండడంతో ఆమె యాక్సెప్ట్ చెయ్యాలిసివచ్చిందని చెప్పుకొచ్చింది. ఇక అది మొదలుకుని అతడి నుంచి ఆమెకు వేధింపులు మొదలయ్యాయట. ఆ వ్యక్తి ఆమె ఫేస్ బుక్ లో లేని ఫోటోలను అసభ్యంగా మార్చి ఆమెకు మెసేజులు పెట్టేవాడట. ఇది చుసిన ఆ అమ్మాయి తనకు సంబంధించిన ఫొటోలు అసలు అతడికి ఎక్కడినుంచి వస్తున్నాయో అర్థం కాలేదని చెప్పింది. దీంతో ఇంకా ఏమి చెయ్యాలో పాలుపోక పోలీసులను ఆశ్రయించింది. కానీ చివరికి పోలీసుల విచారణలో ఓ షాకింగ్ నిజం బయటపడింది.
ఈ ఘటన హైదరాబాద్ లోని దిల్ సుఖ్ నగర్ లో జరిగింది. 36 ఏళ్ల అశోక్ పటేల్ వికాస్ నగర్ ప్రాంతానికి చెందిన వ్యక్తి. అతడు ఆ ప్రాంతంలో కొన్ని రోజుల క్రితం ఒక మొబైల్ రిపేర్ షాపును ప్రారంభించాడట. అయితే ఉన్నట్టుండి అతను ఆ షాపును మూసేశాడట. అప్పటికే చాలామంది తమ ఫోన్ పాడయింది అంటూ బాగుచేయ్యమని రిపేర్ కు ఇచ్చారట. కానీ వాటిని కస్టమర్లకు తిరిగి ఇవ్వకుండానే అశోక్ షాపును మూసివేయగా ఆ ఫోన్ లలో ఓ యువతి ఫోన్ కూడా ఉంది.
అశోక్ ఆమె ఫోన్ నుంచి ఆమె వ్యక్తిగత ఫొటోలను కలెక్ట్ చేశాడు. అంతేకాకుండా ఫేస్ బుక్ లో ఓ ఫేక్ అకౌంట్ క్రీయేట్ చేసి ఆమెకు ఫ్రెండ్ రిక్వెస్ట్ పెట్టి, యాక్సెప్ట్ చేసేలా చేసి ఆ తర్వాత ఆమె ఫొటోలను అసభ్యకరంగా మర్చి బెదిరించసాగాడు. దీంతో వెంటనే ఆమె రాచకొండ సైబర్ క్రైమ్ డిపార్ట్ మెంట్ కు ఫిర్యాదు చెయ్యడంతో సైబర్ క్రైమ్ పోలీసులు ఆ నిందితుడిని అరెస్ట్ చేశారు.