ఇంజిన్ నంబరు ఒకటే.. చాసిస్ నంబర్ కూడా ఒకటే ఉంటుంది..! కానీ చాలా కార్లు ఏవ్ నంబర్లతో తయారైపోతాయి..! గమ్మత్తుగా ఉంది కదా.., ఇదే తరహాలో ఓ కుంభకోణానికి తెరతీశారు దిలీప్ చాబ్రియా అనే ఓ వ్యాపారి. ముంబై పోలీసులు అతన్ని సాయంత్రం అరెస్టు చేసారు. తాజాగా ఈ కుంభకోణానికి సంబంధించి కొన్ని వివరాలు వెల్లడించారు. దిలీప్ చాబ్రియా డీసీ డిజైన్ పేరిట డీసీ అవంతి కార్ తయారీకి పూనుకున్నారు. ఇదో కొత్త తరహా సాంకేతిక విధానంతో దేశంలో మొదటి సారిగా ప్రవేశ పెడుతున్నట్టు బిల్డప్ ఇచ్చారు. దీని విలువ రూ 40 కోట్లు అంటూ అప్పట్లోనే ప్రకటించారు. దేశంలో కార్లు అభిమానులు దీనిపై ఆసక్తిగా ఎదురు చూసారు..! తాజాగా సదరు దిలీప్ చాబ్రియా చేసిన బాగోతాలు వెలుగులోకి రావడంతో ఆశ్చర్యపోతున్నారు.
బాగోతాలు ఇవే..!
చాబ్రియా రూ. 40 కోట్ల విలువైన కార్లని అనధికారికంగా అమ్ముతున్నట్టు పోలీసులు గుర్తించారు. పన్నులు, లెక్కలు నుండి తప్పించుకోడానికి ఒకటే చాసిస్ నంబర్, ఒకటే ఇంజిన్ నంబర్ తో అనేక కార్లు అమ్మినట్టు పోలీసులు నిర్ధారించారు. చాబ్రియా తన కంపెనీ కార్లునే తనే ముందుగా ఫైనాన్స్ ద్వారా కొనుగోలు చేసి.. ఆ తర్వాత వాటిని మరో ఫైనాన్స్ మార్గాల ద్వారా కస్టమర్లకు విక్రయించారు. ఇలా దాదాపు 90 కార్లు అమ్మినట్టు పోలీసులు తెలిపారు. ఒకే కారుకి భిన్న ఫైనాన్స్ కంపెనీల నుండి రుణాలు పొందినట్టు కూడా పోలీసులు నిర్ధారించారు. ఇలా రూ. వందల కోట్లలో స్కామ్ కి పాల్పడిన దిలీప్ చాబ్రియాని అరెస్టు చేసిన పోలీసులు, అతనిపై చీటింగ్, ఫోర్జరీ కేసులు నమోదు చేసినట్టు తెలిపారు.