Happy Life : వివాహం తో ఒకరి జీవితం లో కి ఇంకొకరు అడుగుపెట్టినందుకు నిజాయితీ, నమ్మకం, ప్రేమ, లైంగికంగా కలిసి పోవడం, తప్పు చేసినప్పుడు క్షమాపణ కోరడం లో తప్పేమీ లేదు. ఒకరిని ఒకరం మోసం చేసుకోము , ఎలాంటి పరిస్థితి ఏర్పడిన కూడా ఇద్దరం నిజాయితీగా ఉంటాము అనే ఒక్క మాట వలన మీ జీవితం స్వర్గమవుతుంది.
భర్త ఏదైనా చెబుతున్నపుడు భార్య కూడా మంచి సలహా ఇవ్వడం లేదా, మంచి ,చెడు గురించి వివరించడం చేయాలి గానీ .. మీరే కరెక్ట్ అని మౌనంగా ఉండటం మంచిది కాదు. కొన్ని సందర్భాల్లో తన మౌనమే భర్త తప్పులకు కారణం కావొచ్చు. పిల్లలకు సంబంధించిన ప్రతి విషయంలోనూ భార్యాభర్త ఇద్దరి ప్రమేయం కచ్చితం గా ఉండి తీరాలి.
ప్రతీ భార్య తన ఇష్టాలను భర్తతో పంచుకోవాలి.ఎప్పుడు భర్త చెప్పకుండా తెలుసుకోవాలి అనడం కూడా కరెక్ట్ కాదు. మీ ఇష్టాలను చెబితేనే భర్తకు తెలుస్తుంది. భార్య ఇష్టాలను భర్త ఎప్పటికీ కాదనలేడు.
భార్య భర్తలన్నాక చాలాసార్లు చాలా విషయాల్లో ఇద్దరికీ ఏకాభిప్రాయంకుదరకపోవచ్చు . అంతమాత్రాన గొడవపడకూడదు. ఒకరి అభిప్రాయాన్ని మరొకరు గౌరవించాలి.భర్త చేస్తున్న ప్రతి పనిలో పని చిన్నదా పెద్దదా అని ఆలోచించకుండా నేను మీకు తోడుగా ఉన్నానంటూ భర్తను ప్రోత్సహించాలి. భార్య ఇచ్చే ఈ ప్రోత్సాహమే భర్త మరిన్ని విజయాలు సాధించడానికి కారణమవుతుంది. భార్య ఇచ్చే ప్రోత్సాహం మరెవరూ ఇవ్వలేరు. అప్పుడప్పుడు కుటుంబం అంతా కలిసి యాత్రలకు వెళ్లాలి. విహార యాత్రల్లో పొందే అనుభవాలు, ఆనందం వలన కుటుంబ సంబంధాలు మెరుగవుతాయి.
ప్రతి వ్యక్తి మంచి అలవాట్లు, జీవన విధానం కలిగి ఉండాలి. ఒకవేళ ఇద్దరిలో ఎవరో ఒకరు అలా లేకపోయినా సరే చూసి నేర్చుకోవాలి. మంచి జీవన విధానమే మంచి ఆరోగ్యానికి కారణమవుతుంది. మంచి ఆరోగ్యమే దాంపత్య జీవితాన్ని సుఖమయం చేస్తుంది. మంచి దాంపత్య జీవితం ఆరోగ్యమైన సంతానాన్నికలిగేలా చేస్తుంది.ఎవరైనా ఆపదలో ఉన్నప్పుడు మనిషికి మంచి గుణం, దయ బయటకు వస్తుంటాయి. ఎప్పుడు తమ కుటుంబ స్వార్థమే కాకుండా సమాజం గురించి కూడా కొంత ఆలోచించాలి. దీనికోసం కుటుంబాన్ని పక్కన పెట్టాల్సిన పని లేదు, అందులో ఒక భాగంగా చేసుకోవాలి.