Mystery: ఇలా పోలీసులు అన్ని కొనాలలోనూ దర్యాప్తు చేశారు. ఆ తరువాత కొన్ని రోజులకి హోటల్ వాటర్ నుంచి కుళ్ళిన వాసన వస్తుండడంతో కస్టమర్స్ అక్కడి సిబ్బందికి కంప్లైంట్ చేశారు. వెంటనే సిబ్బంది వాటర్ ట్యాంక్ ను చెక్ చెయ్యమని ఆదేశించగా ఓ వ్యక్తి అక్కడ ఉన్న నాలుగు వాటర్ ట్యాంక్ లను ఎక్కి ఒక్కొక్కటిగా చూసాడు. ఇంతలో ఓ వాటర్ ట్యాంక్ మీద ఉన్న మూత తెరిచి ఉండడం అతను గమనించాడు. లోపల చూస్తే ఎలిసా ఉబ్బిపోయి నిర్జీవంగా నీళ్లల్లో తేలుతూ కనిపించింది. వెంటనే పోలీసులకి సమాచారం అందించారు.
ఎలీసా ఎలా చనిపోయి ఉంటుంది అన్న విషయం ఇప్పటికి మిస్టరీ గానే మిగిలిపోయింది. అయితే డిటెక్టివ్స్ చెబుతున్న దాని ప్రకారం ఆ వాటర్ ట్యాంక్ మీదకి ఒక్కరే ఎక్కలేరట ఎవరి సహాయం అయినా తప్పకుండా ఉండాలట. అంతేకాకుండా ఒకవేళ ఎలిసా ఆత్మహత్య చేసుకోవాలి అనుకుంటే నేరుగా బిల్డింగ్ పై నుంచి దూకొచ్చు కానీ ఆమె ఆలా చెయ్యకుండా వాటర్ ట్యాంక్ లోకి దూకింది. బుక్ షాప్ ఓనర్ ఇచ్చిన సమాచారం ప్రకారం ఆమెలో డిప్రెషన్ మరియు నిరాశ ఛాయలు లేవు. కాబట్టి ఆ రోజు ఇంకేదో జరిగి ఉంటుందని పోలీసులు అభిప్రాయపడుతున్నారు.
ఆమె దేహాన్ని పోస్టుమార్టం చేసిన డాక్టర్లు ఇచ్చిన సమాచారం ప్రకారం ఆమె బైపోలార్ డిసార్డర్ తో గత కొద్దికాలంగా బాధపడుతూ ఉందట… బహుశా ఆమె చనిపోయే రోజు మాత్రలు వేసుకుని ఉండకపోవడం వలెనే ఆమెను ఎవరో తరుముతున్నట్లు అనిపించి ఆమె భయపడి లిఫ్ట్ లోకి వెళ్లి దాక్కుంది. ఆ తరువాత కూడా ఆ భయం తోనే ఆమె నీళ్ల ట్యాంక్ లోకి వెళ్లి దాక్కుందాం అనుకుని తిరిగి పైకి రాలేక అక్కడే చనిపోయింది అంటున్నారు. ఆ సీసీటీవీ ఫుటేజ్ ని చుసిన ఇంకొంతమంది ఆ రోజు రాత్రి ఎలిసా ను ఏదైనా ఆత్మ తరిమి ఉండవచ్చని అభిప్రాయపడుతున్నారు.