Eye Twitching: చాలామంది ఆడవారు, మగవారిలో కన్ను అదురుతుందని చెబుతూ ఉంటారు. కన్ను అదరడం అంటే మంచిది కాదని అంటూ ఉంటారు.. అది కూడా ఏ కన్ను అదిరితే మంచిది.. ఏ కన్ను అదిరితే కీడు అంటే.. ఆడ, మగవారిలో ఒక్కోరకంగా ఉంటుందని అంటుంటారు.. ఇంతకీ కన్ను అదరడానికి కారణాలు ఏంటి.!? కన్ను అదరడం ద్వారా జరగబోయే కీడును ముందుగానే హెచ్చరిస్తున్నట్లా.!? సైన్స్ ఏం చెబుతుంది.!?
ఆడవారికి ఎడమ కన్ను, మగవారికి కుడి కన్ను అదిరితే మంచిదని మంది భావిస్తారు.. ఎడమ కన్ను అదిరితే ఓ అపరిచితుడు జీవితంలోకి వస్తాడు.. అదే కుడికన్ను అదిరితే తమ ఇంట్లో లేదా బంధువుల ఇళ్లలో బిడ్డ పుడుతుంది అని నమ్ముతారు.. కన్నుపైరెప్ప అదిరితే బంధువులు వస్తారని.. అదే కిందరప్ప అదిరితే కుండపోతగా వస్తాయని భావిస్తారు.. మధ్యాహ్నం ఒంటి గంట నుంచి మూడు గంటల మధ్య కన్నులు అదిరితే కష్టాలు తప్పవట. అదే మూడు గంటల నుంచి 5 గంటల మధ్య సమయంలో అదిరితే అతిధులు వస్తారని నమ్ముతారట.. కనుబొమ్మ అదిరితే మిత్రులాభం గానూ కంటి కింద భాగం అదిరితే విజయానికి చిహ్నంగా ను భావిస్తారట.
కనులు ఎక్కువగా అదరటం అంటే అనారోగ్యానికి సూచనగా చెప్పవచ్చు అని వైద్యులు చెబుతున్నారు. కంటినిండా నిద్ర లేకపోయినా, కళ్ళు అలిసిపోయినా, విటమిన్ల లోపం నరాల బలహీనతతో పాటు కంటి సంబంధిత సమస్యల వల్ల కూడా కన్నులు అదరటం జరుగుతుందని వైద్యులు చెబుతున్నారు. నాడీ వ్యవస్థ, మెదడు పనితీరులో లోపం ఉన్న కన్నులు అదరటానికి సంబంధం ఉందని చెబుతున్నారు. ఇలా ఎక్కువసేపు కన్నులు అదురుతుంటే వైద్యుల్ని సంప్రదించి ట్రీట్మెంట్ తీసుకోవాలని నిపుణులు చెబుతున్నారు.
రావణాసురుడు సీతాదేవిని అపహరించడానికి ఆమె కుడి కన్ను అదిరిందట. అలాగే లక్ష్మణుడికి ఎడమ కన్ను అదిరిందట. రాముడు లంకలోకి అడుగుపెట్టిన సమయంలో రావణుడికి ఎడమ కన్ను, సీతమ్మకు కుడి కన్ను అదిరాయట.. రామదండు లంకలోకి యుద్ధానికి రాగానే మండోదరుడుతో పాటు రావణుడికి కన్నులు అద్దిరాయట .అప్పటినుంచి కన్ను అదరడం అనేది శకునాలుగా భావిస్తున్నారు.