Hemachandra-Sravana Bhargavi: ప్ర‌ముఖ సింగ‌ర్స్ హేమచంద్ర, శ్రావణ భార్గవిల పేర్లు గ‌త కొద్ది రోజుల అటు ప్ర‌ధాన మీడియాలోనూ, ఇటు సోష‌ల్ మీడియాలోనూ మారుమోగిపోతున్న సంగ‌తి తెలిసిందే. అందుకు కార‌ణం..వీరి విడాకుల రూమ‌ర్సే. ప్రేమించి పెళ్లి చేసుకున్న ఈ జంట.. విడాకులు తీసుకోబోతున్నార‌ని, ఇప్ప‌టికే వీరిద్ద‌రూ విడి విడిగా ఉంటున్న‌ట్లు జోరుగా ప్రచారం జ‌రుగుతోంది.
ఓ లేడీ సింగర్ వాళ్ళ కాపురంలో చిచ్చు పెట్టిందని, అందుకే వీరిద్ద‌రూ విడిపోయేందుకు నిర్ణ‌యించుకున్న‌ట్లు కూడా వార్త‌లు వ‌చ్చాయి. అయితే ఈ వార్త‌ల‌పై తాజాగా హేమచంద్ర, శ్రావణ భార్గవిలు నోరు విప్పారు. హేమచంద్ర తన ఇన్‌స్టాగ్రామ్‌లో `నా సాంగ్‌కంటే చాలా తొందరగా అనవసరమైన సమాచారమే వ్యాపిస్తుంది` అంటూ పోస్ట్ పెట్టారు.
- Read the latest news from NEWSORBIT
- Follow us on facebook , Twitter , instagram and Googlenews
మ‌రోవైపు శ్రావణ భార్గవి విడాకులు వార్త‌ల‌పై స్పందిస్తూ.. `కొన్ని రోజులుగా నా యూట్యూబ్‌ ఛానల్‌లోని వీడియోలకు వ్యూస్‌ పెరుగుతున్నాయి. అలాగే నా ఇన్‌స్టాగ్రామ్‌ ఫాలోవర్లు కూడా పెరిగారు. నాకు పని పెరిగింది, దానితో పాటు ఆదాయం కూడా పెరిగింది. తప్పో ఒప్పో మీడియా వల్లే ఇదంతా జరిగింది` అంటూ కౌంట‌ర్లు వేసింది.
మొత్తానికి విడాకుల వార్త‌లు కేవ‌లం రూమ‌ర్స్ మాత్ర‌మే అంటూ భార్య‌భ‌ర్త‌లిద్ద‌రూ తేల్చేశారు. కాగా, శ్రావణ భార్గవి, హేమచంద్రల మ‌ధ్య సూపర్ సింగర్ కార్యక్రమం ద్వారా పరిచయం ఏర్ప‌డ‌గా.. ఆ పరిచయం ప్రేమ, పెళ్లి వ‌ర‌కు వెళ్లింది. ఈ జంట పెద్దలను ఒప్పించి 2013లో ఘనంగా వివాహం చేసుకున్నారు. గ‌త తొమ్మిది సంవత్సరాల నుంచి ఎంతో అన్యోన్యంగా వైవాహిక జీవితాన్ని గ‌డుపుతున్న ఈ దంప‌తులు 2016లో శిఖర చంద్రిక అనే కుమార్తెకి జ‌న్మ‌నించారు. ప్ర‌స్తుతం కెరీర్ ప‌రంగా హేమచంద్ర-శ్రావణ భార్గవిలిద్ద‌రూ సక్సెస్ ఫుల్‌గా రాణిస్తున్నారు.
