Neglecting sleep: తీరిక లేని జీవనశైలితో పాటు పని ఒత్తిడి, చాలా మంది రాత్రి పూటసరిపడినంత నిద్ర పోవడం లేదు. ఎప్పుడైనా ఒక్కసారి ఇలా జరిగితియే పర్వాలేదు కానీ రోజు ఇలానే సరైనంతగా నిద్ర పోకపోతే చాల సమస్యలు వస్తాయని వైద్యులు హెచ్చరిస్తున్నారు. సరైన నిద్ర లేకపోతే Neglecting sleep మన శరీరం ,మెదడు కూడా సరిగా పనిచేయవని తెలియ చేస్తున్నారు.తగినంత నిద్ర లేకపోతే రక్తపోటు పెరగడం తో పాటు శరీరంలోని హార్మోన్ల సమతుల్యత దెబ్బతింటుందని తెలియచేస్తున్నారు .సరిపడినంత నిద్ర లేకపోతే మెదడుకు కావలిసిన విశ్రాంతిలేక అనేక మానసిక సమస్యలు ఎదురవుతాయి .సరిగా నిద్రపోకపోతే రోగ నిరోధక శక్తి కూడా తగ్గుతుంది. మనము నిద్రపోతున్నప్పుడు, మన గుండె మరియు రక్త నాళాలు కొంత విశ్రాంతి పొందుతాయి. నిద్రపోకపోతే లేదా తక్కువ నిద్ర పోయిన హృదయ సంబంధ సమస్యలు పెరుగుతూనే ఉంటాయి.
నిద్రలేమి సమస్య మెదడుపై కూడా తీవ్ర ప్రభావం చూపుతుంది. 6 గంటల కన్నా తక్కువగా నిద్రపోయేవారు రోజంతా నీరసం గా, నిరుత్సాహం గా ఉంటారు. చురుకుదనం తగ్గడం వలన ఏ పని చేయలేరు. నిద్రలేకపోతే దేనిమీద ఏకాగ్రత ఉండదు. నిద్రలేమి సమస్య, ఊబకాయం, బరువు పెరగటం వంటి సమస్యలు వస్తాయి. తగిన నిద్రలేకపోతే జ్ఞాపకశక్తి కూడాతగ్గిపోతుంది.
చదువుకునే పిల్లలకు తప్పకుండా 7 గంటల పాటు నిద్రపోవాలి. లేకపోతే చదివినవి ఏవీ గుర్తు ఉండవు.
పరీక్షల సమయంలో విద్యార్థులు రాత్రంతా చదివి.. త్వరగా లేచి పరీక్షల కు వెళ్తారు. అలా చేయడం వలన నిద్రలేక మెదడు మొద్దుబారి చదివినవి మర్చి పోతారు. నిద్ర లేకపోవడం వలన డిప్రెషన్, ఇతరాత్ర అనారోగ్య సమస్యలు వస్తాయి. స్త్రీ, పురుషుల్లో శృంగార పరమైన కోరికలు తగ్గుతాయి. నిద్రలేమి వల్ల పురుషుల లో టెస్టోస్టిరాన్ హార్మోన్ స్థాయిలు తగ్గిపోవడం వలన శృంగార సామర్థ్యం తగ్గుతుంది. సరైన నిద్ర లేకపోవడం వలన రావలిసిన దానికన్నా ముందే వృద్ధాప్య ఛాయలు కనిపిస్తాయి. నిద్రలేమి ప్రాణాలు తీయడానికి కూడా కారణం అవుతుంది.