ఈ రోజుల్లో ఏం చదువుతున్నావు లేదా ఎంత వరకు చదువుకున్నావు అన్న ప్రశ్నలకు సమాధానంగా కనీసం గ్రాడ్యుయేషన్ లేదా అంతకన్నా ఎక్కువ చదువు చదివినట్లు చెప్పకపోతే పై నుండి కింది వరకు చూసి వెళ్ళిపోతున్నారు. అటువంటిది ఇంటర్మీడియట్ అర్హత ఉన్న వారికి ఇండియన్ ఎయిర్ ఫోర్స్ ఉద్యోగాలను ఇస్తోంది. ప్రస్తుతం 256 ఉద్యోగాల భర్తీకి ఎయిర్ ఫోర్స్ కామన్ అడ్మిషన్ టెస్ట్ AFCAT-2020 కు సంబంధించి నోటిఫికేషన్ ను ఇటీవల విడుదల చేశారు.
దీని ప్రకారం ఇంటర్మీడియట్ పాస్ అయిన దేశంలో ఉన్న విద్యార్థినీ విద్యార్థులు ఈ పరీక్షకు అర్హులు. ఇక జూన్ 15 న ప్రారంభమైన దరఖాస్తు ప్రక్రియ జులై 14 వరకు కొనసాగనుంది. దేశ వ్యాప్తంగా జరిగే ఈ పరీక్షలో ఏ రాష్ట్రంలో ఎక్కడ ఎన్ని పోస్టులు ఉన్నాయి అన్నది నోటిఫికేషన్ లో చాలా క్లియర్ గా వెల్లడించారు. ఇకపోతే సెప్టెంబర్ 19న దీనికి సంబంధించిన పరీక్ష దేశవ్యాప్తంగా జరగనుంది.
ఈ అప్లికేషన్ కు సంబంధించి ముఖ్యమైన విషయం ఏమిటంటే… పెళ్ళికాని యువతీ యువకులు మాత్రమే ఈ పోస్టులకు దరఖాస్తు చేసుకోవాల్సి ఉంటుంది. అనగా బ్యాచిలర్స్ కు మాత్రమే దీనికి అప్లై చేసుకునే అవకాశం. దరఖాస్తు ఫీజు రెండు వందల యాభై రూపాయలు కాగా పూర్తి వివరాల కోసం మరియు అప్లై చేసుకునేందుకు www.afcat.cdac.in ను చూడండి.