Sarkaru Vaari Paata: మాస్ సాంగ్ షూటింగ్‌లో సూపర్ స్టార్..

Sarkaru Vaari Paata: పరశురామ్ దర్శకత్వంలో సూపర్ స్టార్ మహేష్ బాబు హీరోగా నటిస్తున్న లేటెస్ట్ స్టైలిష్ ఎంటర్టైనర్ ‘సర్కారు వారి పాట’. ప్రముఖ నిర్మాణ సంస్థలు మైత్రీ మూవీ మేకర్స్, 14 రీల్స్ ప్లస్, జీఎంబీ ఎంటర్టైన్మెంట్స్ పతాకాలపై భారీ బడ్జెట్‌తో నవీన్ యెర్నేని, వై. రవిశంకర్, రామ్ ఆచంట, గోపీచంద్ ఆచంట, మహేశ్ బాబు కలిసి నిర్మిస్తున్నారు. ఇందులో హీరోయిన్‌గా కీర్తి సురేష్ నటిస్తోంది. భారీ అంచనాలు నెలకొన్న ఈ సినిమాను మే 12న భారీ స్థాయిలో రిలీజ్ చేస్తున్న సంగతి తెలిసిందే. ప్రస్తుతం ఈ మూవీ షూటింగ్ చివరి దశకు చేరుకుంది.

• Read the latest news from NEWSORBIT
•  Follow us on facebook  , Twitter ,  instagram  and  Googlenews

తాజాగా రామోజీ ఫిల్మ్ సిటీలో ఫైనల్ సాంగ్ షూటింగ్ జరుగుతోంది. ప్రముఖ ఆర్ట్ డైరెక్టర్ ఏఎస్ ప్రకాష్ నిర్మించిన మాసివ్ సెట్ లో కంప్లీట్ మాస్ మసాలా సాంగ్ ను చిత్రీకరిస్తున్నారు. ఈ పాటతో సినిమా షూటింగ్ మొత్తం పూర్తవుతుంది. దీనికి ప్రముఖ కొరియోగ్రాఫర్ విజే శేఖర్ మాస్టర్ కొరియోగ్రఫీ అందిస్తున్నారు. శేఖర్ మాస్టర్ అంటే మాస్ స్టెప్స్ ఏ రేంజ్‌లో ఉంటాయో అందరికీ తెలిసిందే. ఇప్పటికే ఆయన కంపోజ్ చేసిన కళావతి సాంగ్ పెద్ద హిట్ అయింది. ఈ పాటలోని స్టెప్స్ పలువురు సినీ తారలు కూడా వేసి ఆ వీడియోలను సోషల్ మీడియాలో పంచుకుంటున్నారు.

Sarkaru Vaari Paata: పోకిరిలో ఉన్న సోలో సాంగ్ మాదిరిగా..

కాగా, ప్రస్తుతం తెరకెక్కిస్తున్న సాంగ్ పోకిరిలో ఉన్న సోలో సాంగ్ మాదిరిగా ఉంటుందట. ఇంకా చెప్పాలంటే అంతకు మించే అని చిత్రబృందం చెబుతోంది. సరిలేరు నీకెవ్వరు సినిమాలో ఉన్న మాస్ సాంగ్ మైండ్ బ్లాక్ మాదిరిగా ఈ మాస్ సాంగ్ కూడా మైండ్ బ్లాక్ చేస్తుందని అభిమాను లు చెప్పుకుంటున్నారు. ఎస్ ఎస్ థమన్ సంగీతం అందిస్తున్నాడు. ఇప్పటికే, ఈ సినిమా నుంచి వచ్చిన రెండు సాంగ్స్ అందరినీ విపరీతంగా ఆకట్టుకున్నాయి. ఇప్పుడు మూడవ సాంగ్ కూడా రిలీజ్ చేయనున్నారు. చూడాలి మరి మహేశ్‌కు సర్కారు వారి పాట ఏ రేంజ్ హిట్ ఇస్తుందో.