Periods: పీరియడ్స్ లో కొందరు ఊహించే కొన్ని రకాల అపోహలు గురించి తెలుసుకుందాం… నెలసరి లో ఉన్నపుడు పులుపు తినకూడదని అంటుంటారు. దీనికి ఆధారం అంటూ ఏది లేదు. పీరియడ్స్ సమయంలో, పులుపుని తింటే నొప్పిని పెంచు తుందని, అందరూ అనుకుంటారు, నమ్ముతారు కూడా. కానీ ఇది ఎక్కడ శాస్త్రీయం గా నిరూపితం కాలేదు. కాబట్టి అలంటి అపోహ నుండి బయట పడండి.
నెల సరి సమయంలో ఆడవాళ్ళను ముట్టుకో కూడదు అని అంటుంటారు. ఇలాంటి విషయాలు అసలు పట్టించుకోకండి. పీరియడ్స్ సమయంలో, రక్త స్రావం అనేది చాల సహజం. దాని కోసం మీరు ఎలానో సానిటరీ పాడ్స్ వాడుతారు.కాబట్టి ముట్టుకోవడం వలన ఎదో జరిగేది కాదు. పీరియడ్స్ సమయంలో వేడి నీళ్ళు తాగితే, రక్త స్రావం ఎక్కువగా పోతుంది అని చాలా మంది నమ్ముతారు. వేడి నీరు రక్త ప్రసరణ బాగా జరిగేలా చేస్తుంది. అంతే కానీ రక్తం ఎక్కువగా పోదు. అలాంటి అపోహలు వదిలేయండి.
పీరియడ్స్ సమయంలో వాడే ట్యంపూన్స్ లోపలి వెళ్ళిపోతాయేమోనని చాలా మంది అపోహపడుతుంటారు. అలా ఎట్టి పరిస్థితిలో జరగదు. కాబట్టి నిర్భయం గా ట్యంపూన్స్ ను ఉపయోగించండి. ట్యంపూన్స్ వాడితే వర్జినిటీ పోతుంది అనిఎవరైనా మీతో అంటే, వాళ్ళ కి ఆ ఎడ్యుకేషన్ గురించి ఏమి తెలియదు అని అర్ధం చేసుకోండి. సాధారణంగా అందరూ ఏమనుకుంటారంటే మొదటి సారి శృంగారం లో పాల్గొన్నప్పుడు, కన్నెపోర తొలిగిపోయి , వర్జినిటీ పోతుంది అని భవిస్తూ ఉంటారు.
కానీ అసలు విషయం ఏమిటంటే, కన్నె పొర కేవలం శృంగారం లో పాల్గొన్నప్పుడు మాత్రమే తొలిగిపోదు. మీరు ఏదైనా ఆటలాడుతూ లేదా సైకిల్ తొక్కు తూ పడి పోయినప్పుడు కూడా అలా జరగవచ్చు. అంత మాత్రాన మీకు వర్జినిటీ లేనట్టు కాదు. ఇవన్నీ పట్టించుకో కుండా మీరు ట్యంపూన్స్ వాడుకోవచ్చు.