Pawan Kalyan: పవన్ కళ్యాణ్ 2019 ఎన్నికల ప్రచారంలో సినిమాల గురించి కీలక వ్యాఖ్యలు చేయడం అందరికీ తెలిసిందే.
సినిమారంగంలోకి మళ్లీ వెళ్లే ఆలోచన లేదని చివరి కట్టె కాలే అంతవరకు ప్రజా సమస్యలపై పోరాడటానికి రాజకీయాల్లోకి వచ్చానని, వెనక్కి తిరిగి చూసేది లేదని పెద్ద పెద్ద డైలాగులు వేశారు. తీరా ఎన్నికలలో పోటీ చేసి ఓడిపోయిన క్రమంలో ప్రత్యర్థులు “పవన్ ప్యాకప్ సినిమాలకు మేకప్” అనే తరహా లో డైలాగులు వేయటం జరిగింది. ఆ టైంలో పవన్ బయటకు వచ్చి…నా శవాన్ని నలుగురు మోసే అంతవరకు పార్టీని విడిచి లేదని, సినిమాలు చేసే ఆలోచన లేదని తేల్చి చెప్పారు. కానీ సరిగ్గా గత ఏడాది ప్రారంభంలో ఎవరూ ఊహించని విధంగా పవన్ మళ్లీ సినిమాలు చేయడం అందరికీ ఒక్కసారిగా షాక్ ఇచ్చినట్లు అయింది. ఈ క్రమంలో తనను తాను సమర్ధించుకుంటూ చాలా మంది రాజకీయ నాయకులు ఒక పక్క వ్యాపారాలు చేస్తూనే మరోపక్క రాజకీయాలు చేస్తున్నారు అలాంటప్పుడు తాను సినిమాలు చేస్తే తప్పేంటి అని కామెంట్ చేశారు. ఇదిలా ఉంటే ప్రస్తుతం ఇండస్ట్రీలో వరుస పెట్టి సినిమాలు ఒప్పుకుంటూ ఈ ఏడాది వచ్చే ఏడాది కూడా పవన్ సినిమా రంగంలో ఫుల్ బిజీగా ఉన్నట్లు వార్తలు వస్తున్నాయి. కాగా తాజాగా జనసేన పార్టీకి చెందిన కీలక నేత నాదెండ్ల మనోహర్ పవన్ కళ్యాణ్ సినిమా రిఎంట్రీ గురించి కీలక వ్యాఖ్యలు చేశారు. మేటర్ లోకి వెళితే మెగాస్టార్ చిరంజీవి జనసేన పార్టీలో జాయిన్ అవుతున్నట్లు…తమ్ముడికి అండగా ఉండటానికి రంగంలోకి దిగుతున్నట్లు మనోహర్ వ్యాఖ్యలు చేయడం అందరికీ తెలిసిందే. ఇలాంటో తరుణంలో అసలు పవన్ కళ్యాణ్ మళ్ళీ సినిమాలు చేయడానికి కారణం చిరంజీవే అని అసలు గుట్టు తాజాగా బయటపెట్టారు. అటు రాజకీయ రంగంలోనూ ఇటు సినిమా రంగంలోనూ రాణించే సత్తా పవన్ కి ఉంది అని… ఆ మేరకు అన్న చిరంజీవి సలహా మేరకే పవన్ కళ్యాణ్ మళ్ళీ సినిమాలు చేస్తున్నట్లు స్పష్టం చేశారు. దీంతో పవన్ కళ్యాణ్ రెండోసారి సినిమాలు చేయడానికి గల కారణం చిరంజీవే అన్న విషయాన్ని తెలుసుకుని మెగా అభిమానులు ఒక్కసారిగా షాక్ తిన్నారు. ఇదిలా ఉంటే పవన్ కళ్యాణ్ సినిమారంగంలో బిజీగా ఉన్న సమయంలో పార్టీని చిరంజీవి ముందుండి నడిపించే రీతిలో జనసేన పార్టీ చిరంజీవితో సరికొత్త స్ట్రాటజీ వేసినట్లు అర్థమవుతోంది.