టీవీలలో బిగ్బాస్ ఇంటిని బయటినుండి చూసిన వారందరూ మనం కూడా అటువంటి సౌకర్యవంతమైన, విలాసవంతమైన ఇంటిలో కి వెళితే బాగుండు అని అనుకుంటారు. ఎంతో కలర్ఫుల్గా నిండుగా కనిపించే ఈ ఇంట్లో షో అయిపోయి ఎవరూ లేకపోతే ఎలా ఉంటుందో చూస్తే అస్సలు ఊహించలేరు. ప్రస్తుతం ఆ ఇళ్ళు ఎలా ఉంటుందో సుజాత చూపించింది. ఈ సీజన్ లో వచ్చిన కంటెస్టెంట్ లలో జోర్దార్ సుజాత ఫేవరెట్ గా బరిలోకి దిగి అనూహ్యంగా బయటకు వెళ్ళిపోయింది.
తాజాగా సుజాత బిగ్బాస్ ఇంటికి వెళ్ళింది. అన్నపూర్ణ స్టూడియోస్ కు పనిమీద వెళ్ళిన సుజాత అదే పనిలో పనిగా బిగ్ బాస్ ఇంటిని కూడా పలకరించింది. ఇదే క్రమంలో బిగ్బాస్ ఇల్లు ఎలా ఉంటుంది అని అందరికీ చూపించి దీనిపై ఒక స్పెషల్ వీడియో కూడా చేసింది. తాము ఉన్నంతకాలం గ్రీన్ మ్యాట్ వేసి పచ్చగా ఉండేలా చూశారు కానీ ఇప్పుడు అది లేదు అని చెప్పింది. ఇక స్విమ్మింగ్ పూల్ కూడా ఎండిపోయింది. మొత్తం చెత్తా చెదారంతో నిండి పోయింది. బాత్రూంలు తీసేసారు. ఇక బిగ్ బాస్ ఇల్లు అయితే ఏ జీవం లేకుండా లేకుండా శిథిలావస్థలో పడి ఉంది.
ఆమె ఇంట్లో ఉన్నప్పుడు హౌస్ ఎలా ఉండేది ఇప్పుడు ఎలా ఉంది అంటూ సుజాత ఎమోషనల్ అయింది. అప్పుడే బాగుంది…. ఇప్పుడు మొత్తం శిథిలావస్థకు వచ్చినట్లుగా ఇల్లు ఖాళీ చేసి వెళ్ళిపోతే ఎలా ఉంటుందో అలా ఉందంటూ సుజాత క్లియర్ గా చూపించండి. ఎక్కడ ఏవేవి ఉన్నాయి అంటూ అందరికీ వివరించింది. అయితే సుజాత చేసిన పని అన్నపూర్ణ స్టూడియోస్ వారికి తెలుసో తెలియదో కానీ ఆమె ఇలా శిధిలావస్థలో ఉన్న హౌస్ చూపి నాగార్జునకు కోపం తెప్పించి ఉంటుందని నెటిజన్లు అభిప్రాయపడుతున్నారు.