విజయం.. గెలుపు.. సక్సెస్.. ఇలా ఏ పేరుతో పిలుచుకున్నా లక్ష్యాన్ని చేరుకోవడమే..! ప్రస్తుత ఆధునిక కాలంలో చాలా మంది యువత జీవితం పెట్టే పరీక్షల్లో ఫెయిల్ అవుతున్నారు..! మంచి మార్కులతో సాధించిన సర్టిఫికెట్లు , డిగ్రీలు ఎన్ని సాధించినప్పటికీ జీవిత పరీక్షలో మాత్రం వెనుతిరుగుతున్నారు.. ఇంకోవైపు సాధారణ మార్కులతో పాసైన స్టూడెంట్స్ ఉన్నత స్థాయి పదవులను చేరుకున్నారు.. ఇలా ఎందుకు జరుగుతుంది అంటే క్లాస్ రూమ్ లో పాఠాలతో పాటు తగినన్ని జీవన నైపుణ్యాలు కూడా నేర్చుకోవాలి..! జీవితాంతం మనల్ని గెలుపు బాటలో నడిపించే జీవన నైపుణ్యాలు( లైఫ్ స్కిల్స్ ) గురించి ఇప్పుడు తెలుసుకుందాం..
ఈ జీవన నైపుణ్యాలను కలిగి ఉండడం వలన ప్రతి వ్యక్తి సాధికారతను కలిగే సమాజంలో సరైన రీతిలో జీవించగలరు. యునెస్కో, డబ్యూహెచ్ఓ సంస్థ ప్రకారం ముఖ్యమైన 10 జీవన నైపుణ్యాలు అలవర్చుకొని ఉండాలి. అవి సూక్ష్మమైన ఆలోచన ,సృజనాత్మకమైన ఆలోచన, నిర్ణయాధికారం, సమస్య పరిష్కారం, పరస్పర అనుబంధాలను పెంపొందించే నైపుణ్యం, స్వీయ అవగాహన, ఇతరుల బాధలను, సమస్యలను అర్థం చేసుకొనుట, భావోద్వేగాల పై నియంత్రణ, మరియు ఒత్తిడి నియంత్రణ.
మన ఆలోచనా సరళి కూడా జీవన నైపుణ్యాలలో భాగమే. మన మెదడు ఆలోచనలు పుట్ట.. మనం ఏ పని చేయని సమయం ఉంటుందేమో కానీ మెదడులోకి ఆలోచనలు రాణి క్షణం అంటూ ఉండదు. మనిషి మెదడులో కి రోజుకు 6400 ఆలోచనలు వచ్చి పోతుంటాయని నూతన పరిశోధనలు వెల్లడిస్తున్నాయి. అయితే మన ఆలోచనలను అనుకున్న లక్ష్యం దిశగా మార్చుకోవటమే జీవన నైపుణ్యం. డెసిషన్ మేకింగ్, ప్రాబ్లమ్ సాల్వింగ్ దిశగా ఆలోచనలను మళ్ళించడం జీవన నైపుణ్యం.
ఏకాకిగా పనిచేయడం ఒక దారి అయితే, నలుగురిని కలుపుకొని పనిచేయడం మరొకదారి. నేటి కార్పొరేట్ యుగంలో టీం లీడింగ్, టీం లీడర్ షిప్, భావవ్యక్తీకరణలో అవరోధాలు తొలగించడం వంటి వాటికీ ప్రాధాన్యం ఎక్కువగా ఉంది. ఈ సాఫ్ట్ స్కిల్స్ ఏర్పర్చుకున్న వారికి విభిన్న కోణాల్లో విజయాలు అందిపుచ్చుకున్నారు. ఇంకా 20కి పైగా నైపుణ్యాలు విద్యార్థులు, ఉద్యోగుల జీవనవిధానాన్ని సులభతరం చేస్తున్నాయి. సాధన చేసి ప్రావీణ్యం సాధిస్తే ఉన్నత స్థాయికి చేరుకోవచ్చు.