Phone Theft: ప్రస్తుతం ప్రతి ఒక్కరూ మొబైల్ ఫోన్ వాడుతున్నారు. అదే విధంగా ఆన్ లైన్ పేమెంట్స్ కోసం ప్రతి ఒక్కరూ వారి సెల్ ఫోన్ లో డిజిటల్ పేమెంట్స్ యాప్స్ డౌన్ లౌడ్ చేసుకుని వినియోగించుకుంటున్నారు. దాదాపుగా యూనిఫైడ్ పేమెంట్స్ ఇంటర్ ఫేస్ తో (యూపీఐ) అనుసంధానమై పని చేసే పేటీఎం, గూగుల్ పే, ఫోన్ పే, సహా ఇతర యాప్ ల్లో ఏదో ఒకటి ప్రతి ఒక్కరు వాడుతున్నారు. ఎవరైనా పొరబాటున సెల్ ఫోన్ ఎక్కడైనా పోగొట్టుకుంటే ఈ డిజిటల్ పేమెంట్స్ యాప్స్ ద్వారా సెల్ దొరికిన వ్యక్తి మీ బ్యాంకు ఖాతాలోని నగదును వాడుకునే అవకాశం ఉంటుంది. ఇలా మీ సొమ్ము దుర్వినియోగం కాకుండా ఉండాలంటే వెంటనే ఏమి చేయాలంటే…
పేటిఎం ఖాతాను తాత్కాలికంగా బ్లాక్ చేయాలి. అది ఎలా చేయాలంటే.. పేటిఎం హెల్ప్ లైన్ నెం. 012 0445 6456 కు కాల్ చేసి ఫోన్ లాస్ట్ ఆప్షన్ ను ఎంచుకుని కొత్త నెంబర్ నమోదు ఆప్షన్ ను ఎంచుకోవాలి. పొగొట్టుకున్న ఫోన్ నెంబర్ ను నమోదు చేయాలి. ఆ తరువాత లాక్ అవుట్ ఫ్రం ఆల్ డివైసెస్ ఎంపిక చేసుకోవాలి. అదే విధంగా గూగుల్ పే ఖాతాను బ్లాక్ చేయాలంటే హెల్ప్ లైన్ నెంబర్ 1800 4190 157 కు కాల్ చేసి వివరాలు నమోదు చేయాలి. అదే విధంగా ఫోన్ పే ఖాతాను బ్లాక్ చేయాలంటే 0806 8727 374 లేదా 0226 8727 374 కు కాల్ చేసి వివరాలు తెలియజేయాలి. తక్షణం మీరు స్పందించి ఇటువంటి చర్యలు చేపట్టకపోతే మీ సొమ్ము దుర్వినియోగం అయ్యే ప్రమాదం ఉంటుంది.