Hawala Cash: మునుగోడు ఉప ఎన్నిక సమీపిస్తున్న నేపథ్యంలో ప్రధాన రాజకీయ పక్షాలు ప్రచారాన్ని ముమ్మరం చేశాయి. ఎలాగైనా మునుగోడులో విజయం సాధించాలన్న పట్టుదలతో ప్రధాన పార్టీలు సర్వశక్తులు ఒడ్డుతున్నాయి. ఓటర్లను ఆకట్టుకునేందుకు రకరకాల ప్రయత్నాలు చేస్తూ హామీల వర్షం కురిపిస్తున్నాయి ప్రధాన పార్టీలు. ఈ క్రమంలోనే ఓటర్లను ప్రలోభపెట్టేందుకు నగదు పంపిణీ చేస్తున్నారంటూ ప్రచారం జరుగుతోంది. మరో పక్క మునుగోడు ఉప ఎన్నికల్లో ప్రలోభాల పర్వాన్ని నిరోధించేందుకు పోలీసులు విస్తృతంగా వాహనాల తనిఖీలు నిర్వహిస్తుండటంతో రాష్ట్ర వ్యాప్తంగా పలు చోట్ల భారీగా నగదు పట్టుబడుతోంది.
తాజాగా హైదరాబాద్ జూబ్లిహిల్స్ పరిధిలో పెద్ద ఎత్తున నగదును పోలీసులు స్వాధీనం చేసుకున్నారు. ఒక వ్యక్తిని అదుపులోకి తీసుకుని విచారిస్తున్నారు. జూబ్లిహిల్స్ రోడ్ నెం 71 లో ఓ కారులో రూ.90 లక్షల నగదును తరలిస్తుండగా వెస్ట్ జోన్ టాస్క్ ఫోర్స్ పోలీసులు పట్టుకున్నారు. కారులో ఉన్న వ్యక్తిని అదుపులోకి తీసుకుని పోలీసు స్టేషన్ కు తరలించారు. ఆ నగదు ఎవరిది. ఎక్కడి నుండి ఎక్కడికి తరలిస్తున్నారు అనే విషయాలపై పోలీసులు ఆరా తీస్తున్నారు.
Road Accident: వేరువేరు రోడ్డు ప్రమాదాల్లో ఏడుగురు మృతి.. ఎక్కడెక్కడండే ..?