NTR: ఇండియన్ దిగ్గజ దర్శకుడు రాజమౌళి తీసిన సినిమాలు చాలా వరకు కథ అందించేది ఆయన తండ్రి విజయేంద్ర ప్రసాద్ అని అందరికీ తెలుసు. అంతర్జాతీయ సినీప్రపంచాన్ని ఇండియా వైపు గర్వంగా చూసే రీతిలో రాజమౌళి దర్శకత్వంలో వచ్చిన బాహుబలి సినిమా కథ కూడా విజయేంద్రప్రసాద్ అందించడం జరిగింది. అటువంటి విజయేంద్రప్రసాద్ ఇటీవల ఇచ్చిన ఓ ఇంటర్వ్యూలో ఎన్టీఆర్ గురించి అదేవిధంగా “RRR” సినిమా గురించి సంచలన వ్యాఖ్యలు చేశారు.
ముందుగా ఎన్టీఆర్ విషయానికొస్తే ప్రారంభంలో నందమూరి తారక రామారావు మనువడిగా సినిమా రంగంలో ఎంట్రీ ఇచ్చే టైంలో అతని చూశాక .. తాతగారి స్థాయిలో రాణించే లక్షణాలు ఏమీ కనబడనట్టు నాకనిపించింది. కానీ “స్టూడెంట్ నెంబర్ వన్” సినిమా చూసిన తరువాత అతనిలో ఉన్న నటన, కళ్ళలో ఉన్న పౌరుషం బట్టి తాతకు తగ్గ మనవడు అనిపించిందని విజయేంద్ర ప్రసాద్ ఇటీవల తెలిపారు. ఇదే రీతిలో “RRR” సినిమా విషయానికొస్తే .. ఈ సినిమాకి తానే స్టోరీ పెంచినట్లు మీకు ఖచ్చితంగా ఫ్యూచర్ ఓల్డ్ గ్లాస్ యాక్షన్ సన్నివేశాలు కలిగిన సినిమా అని తెలియజేశారు.
ముఖ్యంగా సినిమాలో రామ్ చరణ్- తారక్ మధ్య వచ్చే యాక్షన్ సన్నివేశాలు సినిమా ప్రేక్షకులకు కంటిలో నుంచి నీరు తెప్పించటం గ్యారెంటీ అని, ఆ సన్నివేశాలు ఇటీవల తాను చూసినప్పుడు కూడా .. ఎంతో భావోద్వేగానికి గురి అయినట్లు విజయేంద్రప్రసాద్ చెప్పుకొచ్చారు. “RRR” సినిమా షూటింగ్ ప్రస్తుతం చివరి దశలో ఉంది. పరిస్థితులు అంతా సద్దుమణిగాక ఈ సినిమా భారీ రేంజ్ లో రిలీజ్ చేసే రీతిలో సినిమా యూనిట్ ఆలోచన చేస్తూ ఉంది. ఇప్పటికే ఆలస్యం కావటంతో బయట అంతా ఓకే అయిన వెంటనే “RRR” సినిమా రిలీజ్ అవుతుందని సమాచారం.