ప్రస్తుతం పవన్ కళ్యాణ్ వకీల్ సాబ్ తో ప్రేక్షకుల ముందుకు రాబోతున్నాడు. బాలీవుడ్ లో సూపర్ హిట్ అయిన పింక్ సినిమాకి రీమేక్ గా రూపొందుతున్న ఈ సినిమాని వేణు శ్రీరాం తెరకెక్కిస్తుండగా దిల్ రాజు నిర్మిస్తున్నారు…బోనీకపూర్ సహ నిర్మాతగా ఉన్నారు. నివేదా థామస్, అంజలి, అనన్య నాగళ్ళ, ప్రకాష్ రాజ్, నరేష్ ముఖ్య పాత్రలు పోషిస్తున్నారు. త్వరలో ఈ సినిమా సెట్ లో పవన్ కళ్యాణ్ అడుగుపెడతాడని సమాచారం.
ఇక ఈ సినిమా పూర్తవగానే శ్రీ సూర్య మూవీస్ బ్యానర్ లో స్టార్ ప్రొడ్యూసర్ ఏ.ఎం.రత్నం భారీ బడ్జెట్ తో పవర్ స్టార్ పవన్ కళ్యాణ్ హీరోగా ఒక సినిమాని నిర్మిస్తున్నారు. క్రిష్ ఈ సినిమాకి దర్శకత్వం వహిస్తుండగా పీరియాడికల్ బ్యాగ్డ్రాప్ లో రూపొందుతుంది. పవన్ కళ్యాణ్ కోసం మొఘలుల కాలం నాటి కథ ని ఎంచుకున్నాడు క్రిష్. ఇక ఈ సినిమాలో బాలీవుడ్ హీరోయిన్ జాక్విలిన్ ఫెర్నాండస్ నటిస్తున్ననట్టు ముందు నుంచి చెప్పుకొస్తున్నారు. అంతేకాదు ఈ బ్యూటీ కోసం క్రిష్ యువరాణి గా కనిపంచే పాత్రని డిజైన్ చేసినట్టు తెలిస్తుంది. ఇక పవన్ కళ్యాణ్ జాక్విలిన్ మధ్య మంచి ఎమోషనల్ సీన్స్ ఉంటాయట.
అయితే ఈ సినిమాకి ముందు నుంచి “విరూపాక్ష” అన్న టైటిల్ ని చిత్ర బృందం పరిశీలిస్తున్నట్టు వార్తలు వస్తున్నాయి. ఈ టైటిల్ పవన్ కళ్యాణ్ కి ఆయన ఫ్యాన్స్ కి బాగా నచ్చింది. అయితే అధికారకంగా మాత్రం ఇంకా టైటిల్ ఇదే అని చిత్ర యూనిట్ వెల్లడించలేదు. ఇంతలోనే మరో రెండు టైటిల్స్ ఈ సినిమా కోసం దర్శక నిర్మాతలు అనుకుంటున్నట్టు వార్తలు వస్తున్నాయి. మరి చిత్ర బృందం ఏ టైటిల్ ని ఫైనల్ చేస్తుందో చూడాలి.
Aavesham OTT: డిజిటల్ స్ట్రీమింగ్ డేట్ ను కన్ఫామ్ చేసుకున్న ఆవేశం మూవీ.. ఈ రూ. 150 కోట్ల మూవీ స్ట్రీమింగ్ ఎక్కడంటే..!