లెబనీస్ దేశం రాజధాని అయిన బెయిరట్ లో భారీ పేలుడు సంభవించింది. నగరంలోని పోర్ట్ ఏరియా కి సమీపంలో జరిగిన ఈ పేలుడు కారణంగా ఎంతో మంది గాయపడ్డారు. పేలుడికి కారణాలు ఏమి ఇంకా బయటకు రాకపోగా చాలా బిల్డింగులు ధ్వంసం కావడం చూసి ఇది సాధారణంగా సంభవించిన ప్రమాదం అయితే కాదని అనుమానిస్తున్నారు.
ఈ పేలుడు వల్ల దట్టమైన పొగ దేశరాజధాని మొత్తాన్ని అల్లుకుంది. ఇప్పటికే ఆసుపత్రుల్లన్నీ క్షతగాత్రులతో నిండిపోయాయి. అసలే ఆ దేశం యొక్క ఆర్థిక పరిస్థితి దారుణంగా పడిపోయిన సమయంలో రాజధాని ప్రాంతంలో ఇంతటి భారీ పేలుడు సంభవించడంతో నిజంగాగా దురదృష్టకరం.
ప్రస్తుతానికి 10 మృతదేహాలను వెలికి తీసినట్లు చెబుతున్నారు. ఇంకా చాలా మంది కూలిపోయిన బిల్డింగ్ ల కింద ప్రాణాలతో ఉన్నారని… వారి హాహాకారాలు హృదయాలను కలచివేస్తుంది అని రిపోర్టర్లు చెబుతున్నారు. ఇప్పటికే బయటికి వస్తున్న వీడియో ఫుటేజీల్లో విపరీతంగా కూలిపోయి ఉన్న బిల్డింగ్ లు మరియు ధ్వంసం అయిపోయిన కార్లు కనపడుతున్నాయి.