ప్రభాస్ – ఓం రౌత్ – సైఫ్ అలీఖాన్ కాంబినేషన్ లో ‘ఆదిపురుష్’ అన్న భారీ పాన్ ఇండియన్ సినిమా రూపొందబోతున్న సంగతి తెలిసిందే. ‘ఆదిపురుష్’ నుంచి ఇప్పటికే రిలీజైన ప్రభాస్, సైఫ్ ల పోస్టర్స్ తో సినిమాపై అంచనాలు ఆకాశాన్ని తాకాయి. ఈ సినిమా ప్రకటన వచ్చినప్పటి నుచి ఒక్క తెలుగు ప్రేక్షకులలోనే కాకుండా దేశ వ్యాప్తంగా ఉన్న సినీ అభిమానుల్లో ఆదిపురుష్ ఎలా ఉండబోతుందో అన్న ఆతృత మొదలైంది.
కాగా ఈ సినిమాలో ప్రభాస్ రాముడిగా కనిపించబోతున్నాడు అంటూ ఇప్పటికే ప్రచారం జరుగుతోంది. దర్శకుడు కూడా ఈ విషయాన్ని హింట్ గా చెప్పుకొచ్చాడు. అప్పటి నుంచి ప్రభాస్ రాముడిగా ఎలా కనిపించబోతున్నాడో అని .. మేకర్స్ రాముడిగా ప్రభాస్ లుక్ రిలీజ్ చేస్తే చూడాలని కొన్ని రోజులుగా తాపత్రయపడుతున్నారు. కాని మేకర్స్ నుంచి ఈ లుక్ మాత్రం ఇప్పటి వరకు రిలీజ్ కాలేదు. అందుకే తాజాగా రాముడిగా తయారు చేసిన ఒక ఫ్యాన్ మేడ్ ప్రభాస్ పోస్టర్ ఏ స్థాయిలో వైరల్ అయింది.
దర్శకుడు ఓం రౌత్ కూడా ఆ పోస్టర్ కు ఫిదా అయ్యాడు. ఆ పోస్టర్ నిజంగా మేకర్స్ అఫీషియల్ గా రిలీజ్ చేసినట్టే అనిపించింది. నిజంగా ఆదిపురుష్ లో ప్రభాస్ ఇలాగే ఉంటాడన్న ఫీల్ అందరిలోను కలిగింది. అయితే ఇదే ఇప్పుడు దర్శకుడు ఓం రౌత్ కి ఇబ్బందులు తెస్తుందేమే అన్న టాక్ వినిపిస్తోంది. ఈ లుక్ తో అందరు ప్రభాస్ ను భారీగా ఊహించుకుంటున్నారు. ఆ ఊహలకి తగ్గట్టుగా దర్శకుడు ఓం రౌత్ సినిమాని రూపొందించి మెప్పించగలడా అన్న మాట వినిపిస్తోంది. మరి ఈ ఊహించని అంచనాలను దర్శకుడు ఓం రౌత్ అందుకుంటాడో లేదో చూడాలి.