కరోనా వైరస్ అంటే హడలి పోయే జనాలు ఇప్పుడు లేరనే చెప్పుకోవచ్చు. ఒకప్పుడు ఊర్లో ఒక ఇంట్లో వాళ్లకి కరోనా పాజిటీవ్ వచ్చిందంటే చాలు ఊరంతా ఇంట్లోనే ఉండేవారు. కాని నేడు పరిస్థితులు పూర్తిగా మారాయి. కరోనా వచ్చిన వారికి ఆమడ దూరంలో ఉండే వారు కాస్త రాసుకుపూసుకు తిరిగే స్టేజికి వచ్చారు. అసలు కరోనా వైరస్ అన్న భయం కూడా లేకుండా పోయింది జనాలకు. అందుకే కదా ఏ వైరస్ నన్నేం చేయలేదనుకుంటూ మూతికి మాస్కులు లేకుండా, శానిటైజర్లను వాడకుండా, సోషల్ డిస్టెన్స్ అనేదే లేదు అనుకుంటూ దర్జాగా తిరుగుతున్నారు చాలా మంది.
అందుకే కదా ప్రపంచ వ్యాప్తంగా కరోనా తన ప్రతాపాన్ని చాటుకుంటుంది. ప్రభుత్వాలు నెత్తీ నోరు కొట్టుకంటున్నా.. హే నేను బలంగా ఉన్నాను కరోనా వచ్చినా అది నన్నేం చేయలేదంటు తిరుగుతున్నారు. కాని చాలా మందికి కరోనా వచ్చినట్టు లక్షణాలు కనిపించినా, కొంత మందికి మాత్రం అది వచ్చి పోయినా లక్షణాలు మాత్రం కనిపించడం లేదు. ఇంకేముంది జనాలు ఈ కరోనా ఏం చేయలేదనే ధీమాతో రెచ్చిపోతున్నారు. కాని ఓ వ్యక్తి మాత్రం కరోనా వస్తే ఎలావుంటుందో మొత్తం కళ్లకు కట్టి నట్టు చూపించేశాడు.
అది చూస్తే వామ్మో.. కరోనా వస్తే ఇలా ఉంటుందానని అనుకోకుండా ఉండరేమోనండి.. కరోనా వచ్చిన వారిలో చాలా మందికి రుచి తెలియదట. ఆ విషయాన్నే కరోనా పాజిటీవ్ వచ్చిన రసెల్ డనేలీ అనే వ్యక్తి తన ఫ్రెండ్స్ కు తెలిపాడట. కాని అతని ఫ్రెండ్స్ అది నమ్మలేదట. ఇంకేముంది రసెల్ దాన్ని నిరూపించి అందరినీ నోరెళ్లబెట్టేలా చేశాడు. వంటింట్లో ఉండే అన్ని పదార్ధాలను పచ్చిగానే పరపరా లాగించేశారు. వీడియో ఆన్ చేసి ఎలాంటి ఇబ్బంది లేకుండా తినడంతో ఆ వీడియో ఇప్పుడూ సోషల్ మీడియాలో షికార్లు కొడుతుందండోయ్..
మరి రసెల్ ఏమేమీ తిన్నాడో మీరు కూడా ఓ లుక్కేయండి. వంటల్లో ఉపయోగించే నిమ్మరసం ఒక్క గుటకలో మింగేశాడండోయ్. అలాగే ఆపిల్ సైడ్ వెనిగర్ ను ఎలాంటి ఇబ్బంది పడకుండా గుట గుటా లాంగించేశారు. అలాగే నిమ్మకాయను పరపరా నమిలి మింగాడు. దీనితో పాటుగా ఉల్లి గడ్డను ఆపిల్ ను కొరినట్టు కొరికి నమిలేషాడు. అయినా ఎలాంటి రుచి తెలియకపోవడంతో క్రేజీ వైరస్ అంటూ చెప్పుకొచ్చాడు రసెల్. ఇంకేముంది ఈ వీడియోను ఇప్పటివరకు 17 మిలియన్ల మంచి చూసేసారు. ఈ వీడియోతో కరోనా వస్తే ఎలాంటి రుచి తెలియదని అందరికీ తెలిపాడు.