క‌రోనా నేపథ్యంలో దాదాపు ఎనిమిది నెల‌ల‌కు పైగానే సినిమా షూటింగులు అన్నీ ఆగిపోయాయి. ఇన్ని రోజులు షూటింగులకు దూరంగా ఇంట్లో ఉన్న ప‌వ‌ర్‌స్టార్ పవన్ క‌ల్యాణ్ మ‌ళ్లీ షూటింగ్‌లో బిజీ అయ్యారు. తాజాగా పవన్ అటు రాజకీయాలు మరొక వైపు వకీల్ సాబ్ షూటింగ్‌తో చాలా బిజీగా ఉన్నారు. ప్రస్తుతం హైద‌రాబాద్‌లో ఈ మూవీ షూటింగ్ జరుగుతున్నది. ఈ సినిమా షూటింగ్ దాదాపుగా పూర్తయ్యింది. 
ప్రస్తుతం ఈ సినిమాకి సంబంధించిన కొన్ని ముఖ్యమైన సన్నివేశాలని షూట్ చేస్తున్నారు. ఈ సినిమా గురించి వస్తున్న ఒక్కో అప్డేట్ సోషల్ మీడియా లో టాప్ లో ట్రెండ్ అవుతున్నాయి. ట్విట్టర్ లో హైయెస్ట్ ట్వీట్స్ గా ఈ సినిమా అప్డేట్లు నిలుస్తున్నాయి. మూవీ షూటింగ్ గ్యాప్‌లో పవన్ క‌ల్యాణ్ ఏం చేస్తున్నారో తెలుసా? ఫాన్స్ చూసి తెగ ఆనందపడిపోతున్నారు. దీనికి సంబంధించిన ఓ ఫొటో ప్రస్తుతం సోషల్ మీడియాలో వైరల్ అవుతుంది.
పవన్ క‌ల్యాణ్ ఈ మూవీ షూటింగ్ గ్యాప్‌లో ఒక బుక్ చ‌దువుతూ కనిపించడంతో మా హీరో విధానమే వేరు అంటూ సోషల్ మీడియాలో ఫాన్స్ కామెంట్స్ పెడుతున్నారు. వకీల్ సాబ్, బాలీవుడ్‌లో ఘ‌న విజయం సాధించిన పింక్ సినిమా రీమేక్‌గా తెరకెక్కుతున్న విషయం మనకి విదితమే. ఇందులో పవన్ కళ్యాణ్ స‌ర‌స‌న శ్రుతీ హాస‌న్ నటిస్తున్నది.
ఈ సినిమా వచ్చే ఏడాది ఏప్రిల్ 9 న విడుదల కానున్నట్లు తెలుస్తుంది. ఈ సినిమాలో ప్ర‌కాష్ రాజ్, అంజ‌లి, నివేథా థామ‌స్ త‌దిత‌రులు కీలక పాత్ర‌ల్లో క‌నిపించ‌నున్నారు. ఈ చిత్రానికి వేణు శ్రీరామ్ ద‌ర్శ‌కత్వం వ‌హిస్తోన్న నేపథ్యంలో దిల్ రాజు, బోనీ క‌పూర్ సంయుక్తంగా నిర్మిస్తున్నారు. థ‌మ‌న్ సంగీతం అందిస్తున్నారు. బాలీవుడ్ లో ఘాన విజయం సాధించడంతో ఈ మూవీపై అటు అభిమానుల‌తో పాటు సాధార‌ణ ప్రేక్ష‌కుల్లోనూ భారీ అంచ‌నాలు ఉన్నట్లు తెలుస్తుంది.