ఈటీవీలో ప్రసారమయ్యే క్యాష్ ప్రోగ్రామ్ కు ప్రస్తుతం బుల్లితెర మీద బాగానే పాపులారిటీ ఉంది. క్యాష్ షో ఇంత సక్సెస్ కావడానికి ప్రధాన కారణం యాంకర్ సుమ. ఆమె లేకుంటే క్యాష్ ప్రోగ్రామే లేదు. షో మొత్తాన్ని తన భుజాల మీద ఎత్తుకొని మరీ నడిపించేస్తుంది సుమ. ఆటో పంచులతో.. సరదాగా కంటెస్టెంట్లతో కలిసి పోయి తను చేసే హడావుడి మామూలుగా ఉండదు. అందుకే.. యాంకర్ సుమకు బుల్లితెర మీద అంత పాపులారిటీ.
ఇక.. అదే ఈటీవీలో ప్రసారమయ్యే ఢీ చాంపియన్స్ షోకు కూడా చాలా పాపులారిటీ ఉంది. ఢీ షోకు కొరియోగ్రాఫర్లు ఎంత ముఖ్యమో.. డ్యాన్స్ చేసే కంటెస్టెంట్లు కూడా అంతే ముఖ్యం. అందుకే కొరియోగ్రాఫర్లు, డ్యాన్సర్లు కలిసి క్యాష్ షోకు వచ్చి తెగ సందడి చేశారు.
చైతన్య, ప్రియాంక ఒక జంటగా.. మనోజ్ అండ్ మాన్షి మరో జంటగా… సుదర్శన్, ఐశ్వర్య మరో జంటగా సునీల్, తేజస్విని ఇంకో జంటగా వచ్చి క్యాష్ షోలో అలరించారు.
మొత్తం మీద వీళ్లు చేసిన హడావుడి మాత్రం మామూలుగా లేదు. యాంకర్ సుమ టైమింగ్, వీళ్ల డ్యాన్సులు, షూటింగ్, యాక్టింగ్.. అన్నింటినీ కలగలిపి మరీ ఈసారి ఎపిసోడ్ ను డబుల్ దమాకాలా నిర్వహించారు. దీనికి సంబంధించిన ప్రోమోనే యూట్యూబ్ లో ట్రెండింగ్ లో ఉంది అంటే.. ఇక ఎపిసోడ్ ప్రసారం అయితే ఇంకెలా ఉంటుందో. ప్రస్తుతానికి అయితే.. క్యాష్ లేటెస్ట్ ప్రోమోను చూసేయండి.