మెగాబ్రదర్ కొణిదల నాగబాబు ఇటీవల ఇచ్చిన ఒక ఇంటర్వ్యూలో కొన్ని ఆసక్తికరమైన విషయాలు వెల్లడించారు. ఇక ముగ్గురు మెగా బ్రదర్స్ లో పవన్, చిరు లతో పోల్చుకుంటే నాగబాబుకి ముక్కుసూటిగా మాట్లాడే తత్వం ఎక్కువ. ఏదైనా నిర్మొహమాటంగా చెప్పేస్తుంటారు. ఇక తన ఫ్యామిలీ జోలికి ఎవరు వచ్చినా కూడా అతను బాగా సీరియస్ అవుతాడు. ఇక మీడియా ముందు కూడా అప్పుడప్పుడు తనదైనశైలిలో ఆగ్రహం వ్యక్తం చేస్తూ ఉంటాడు.
తాజాగా ఒక ఇంటర్వ్యూలో నాగబాబు తన ఫ్యామిలీ గురించి, నిహారిక పెళ్లి విషయం గురించి కొన్ని ఆసక్తికరమైన విషయాలు పంచుకున్నారు. ఇక ఇంటర్వ్యూ మొదట్లో…. తమ మధ్య ఎటువంటి విభేదాలు ఉండవని…. అభిప్రాయభేదాలు అందరి ఇళ్ళల్లో ఉండేవే కానీ అవి వారి మధ్య ఉన్న అనుబంధాన్ని ఏరోజూ దెబ్బ తీయలేదని చెప్పారు. అభిప్రాయబేధాలు ఉన్నంత మాత్రాన ప్రేమ తగ్గి ప్రసక్తే లేదని వివరించారు. ఇక ఇదే సంప్రదాయాన్ని తమ పిల్లలు కూడా కొనసాగించడం చాలా ఆనందంగా ఉందని నాగబాబు అన్నారు.
కజిన్స్ అయిన రామ్ చరణ్, వరుణ్ తేజ్, నిహారిక, సాయి ధరమ్ తేజ్ అన్యోన్యంగా ఉంటారని నాగబాబు చెప్పడం విశేషం. అతని కూతురు నిహారిక గురించి యాంకర్ అడిగినప్పుడు ఆడపిల్ల అంటే ఏ తండ్రికి అయినా ఇష్టమే. నాకు నా కూతురు నిహారిక అంటే పిచ్చి. నాకు ఆడపిల్ల కావాలని ఎంతగానో కోరుకుంటే నిహారిక పుట్టింది. మేము ఇద్దరం తండ్రి కూతుళ్ళ లాగా కాకుండా బెస్ట్ ఫ్రెండ్స్ లాగా ఉంటాము అని అన్నారు.
nagababu niharika : పెళ్ళయ్యాక అంత చేంజ్ వచ్చిందా?
అయితే పెళ్లి తర్వాత నిహారికా గతంలోలాగా ఎక్కువ మాట్లాడడం లేదని చెప్పారు. మామూలుగా నిహారిక బాగా అల్లరి పిల్ల, వాగుడుకాయ అని మనకి తెలిసిందే. యాంకరింగ్ చేసేటప్పుడు కూడా చాలా చలాకీగా ఉంటుంది. కానీ పెళ్లయిన తర్వాత ఆమెలో పూర్తిగా మార్పు వచ్చినట్లు నాగబాబు చెప్పడం విశేషం. ఇక వరుణ్ తేజ్ పెళ్లి విషయంలో కూడా అతనికి అన్ని విధాలా తగిన అమ్మాయిని చూస్తామని నాగబాబు చెప్పారు.