Google Maps : ఒకప్పుడు ఎక్కడికైనా వెళ్లాలంటే అడ్రస్ ని ఒక చీటీ మీద రాసుకొని కనిపించిన వారందర్నీ ఈ అడ్రస్ తెలుసా అని అడుగుతూ వెళ్లేవారు.. కాలంతో పాటు సాంకేతిక పరిజ్ఞానంలో కూడా విపరీతమైన మార్పులు వచ్చాయి.. ఎక్కడికైనా వెళ్లాలంటే గూగుల్ మ్యాప్స్ లో రూట్ చెక్ చేసుకోవడం చాలా మందికి అలవాటైపోయింది.. అంతే కాదు అది చూపించు రూట్లో లో కాకుండా మరో దారి లో వెళ్తే వెంటనే గూగుల్ మ్యాప్స్ అలర్ట్ చేస్తుంది.. మీరు గూగుల్ మ్యాప్ వాడుతూ ఉంటారా.. అయితే జాగ్రత్తగా ఉండండి.. ఈ నిబంధన పాటించకపోతే భారీ జరిమానా కూడా విధించవచ్చు..
సాధారణంగా కారు బైక్ డ్రైవ్ చేసేవారు వెహికల్ కు మొబైల్ హోల్డర్ లేకుండానే స్మార్ట్ ఫోన్ లో గూగుల్ మ్యాప్ ఓపెన్ చేసి దారి చూసుకుంటూ వెళ్తారు.. ఇక నుంచి మొబైల్ హోల్డర్ లేకుండా చేతిలో స్మార్ట్ ఫోన్ పట్టుకొని గూగుల్ మ్యాప్ లో నావిగేషన్ చూసుకుంటూ వెహికల్ నడిపితే మాత్రం భారీ జరిమానా పడుతుంది. ట్రాఫిక్ పోలీసులు మీకు చలానా విధించే అవకాశం లేకపోలేదు. అందువల్ల జాగ్రత్తగా ఉండండి.. మొబైల్ ఫోన్ చేతిలో పట్టుకుని గూగుల్ మ్యాప్ చూస్తూ నడిపితే అది ట్రాఫిక్ రూల్స్ అతిక్రమించడం కిందకు వస్తుంది. దీంతో జరిమానా చెల్లించాల్సి ఉంటుంది. రూ. 5000/- వరకు జరిమానా విధించవచ్చు. అందుకే కచ్చితంగా మొబైల్ హోల్డర్ ని పెట్టుకుని గూగుల్ మ్యాప్ వినియోగించండి.