Tdp: టీడీపీ Tdp అభిమాన నేత, సినిమా స్టార్.. ఇలా ఎవరు కనబడినా ఆనందం వస్తుంది. కొంతమంది దీనిని అభిమానం రూపంలో కాస్త ఎక్కువగానే చూపిస్తారు. సినిమా ఈవెంట్లలో అయితే.. స్టేజి మీదకే వెళ్లిపోవడం.. కాళ్ల మీద పడటం.. గట్టిగా కౌగిలించుకోవడం చేస్తారు. అయితే.. దీనిని వారెంత వరకూ తీసుకుంటున్నారు అనేదే ప్రశ్నగా మారింది. సినిమా నటులు ఓకే.. కానీ.. రాజకీయ నాయకులు ఆ అభిమానాన్ని తట్టుకోలేకపోతున్నారా? అనేది ప్రశ్నగా మారింది. ఇందుకు ఇటివలి తెలుగుదేశం నేతల తీరు ఉదాహరణగా నిలుస్తోంది.
టీడీపీ నేత హీరో బాలకృష్ణ ఇటివల హిందూపూర్ లో మున్సిపల్ ఎన్నికల ప్రచారంలో పాల్గొన్నారు. ప్రచారంలో భాగంగా ఓ కార్యకర్త, అభిమాని ఇంటికెళ్లారు. అక్కడ ఓ వ్యక్తి వీడియో తీశాడని బాలయ్య అతనిపై చేయి చేసుకున్నాడు. ఏకంగా రెండుసార్లు కోపంతో ఊగిపోయి మరీ తన ప్రతాపం చూపారు ఎమ్మెల్యే హోదాలో. ఇది ఒక ఎత్తైతే.. మాజీ ఎంపీ విజయనగరం గజపతి వంశస్థులు, టీడీపీ నేత అశోక్ గజపతి రాజు తీరూ విమర్శల పాలైంది. ఎన్నికల ప్రచారంలో.. ఏకంగా మహిళా దినోత్సవం రోజున ఓ టీడీపీ మహిళా కార్యకర్తపై అందరి మధ్య చేయి చేసుకున్నట్టు వీడియో ఫుటేజీలు.. వార్తలు వైరల్ అయ్యాయి. దీనిపై కూడా పెద్ద ఎత్తున విమర్శలు వచ్చాయి. అయితే..
ఇక్కడ ఈ రెండు ఘటనల్లో కూడా బాధితులు వెంటనే.. ‘అసలు వారు తమని కొట్టలేదని..’ వీడియో రూపంలో స్టేట్ మెంట్లు ఇచ్చారు. బాలయ్య బాధితుడైతే.. బాలయ్య చేయి తన చెంపను తాకడమే అదృష్టమని వ్యాఖ్యానించాడు. విజయనగరం మహిళ.. గజపతి గారు నాకు తండ్రి లాంటి వారు. ఆయన ఇచ్చిన ఇంట్లో ఉంటున్నాం. నన్ను కొట్టలేదు. ఇదంతా వైసీపీ ప్రచారం అనేశారు. వీరిద్దరి స్టేట్ మెంట్లు ఇలా ఉంటే.. మరి ఆ వీడియోల్లో ఉన్నది.. చూసినది ఏంటో.. టీడీపీ నేతలు చేసిందేంటో కూడా వారే మననం చేసుకోవాలి. నిజంగానే అక్కడేం జరగలేదని భావించాలో.. లేదంటే ‘కవర్’ చేసుకున్నారో అర్ధం కాని పరిస్థితి. మొత్తానికి టీడీపీ నేతల కొట్టుడు కార్యక్రమంలో.. అభిమానం స్వీకరించకపోవడం, ఫ్రస్ట్రేషన్ కాకుండా నిజంగా అక్కడే జరక్కపోతే.. మంచిదే..!