Cervical cancer: గర్భాశయ క్యాన్సర్ Cervical cancer ఇది 15 నుండి 44 సంవత్సరాల మధ్య వయస్సున్న భారతీయ స్త్రీలకు వచ్చే రెండవ అత్యంత సాధారణ క్యాన్సర్ గా చెప్పబడింది. ఇది 2019లో ముఖ్యం గా 35 నుండి 39 సంవత్సరాల మధ్య ఉన్న 60,000 మంది మరణాలకు కారణమైంది. అందుకే దీనిపట్ల స్త్రీలు కాస్త అప్రమత్తతో ఉండాల్సిన అవసరం బాగా ఉంది. దీన్ని ప్రాథమిక దశలో గుర్తిస్తే మాత్రం సులభంగా నివారించుకోవచ్చు. కొన్ని లక్షణాలను బట్టి గర్భాశయ క్యాన్సర్ ను స్త్రీలు సులభంగాగుర్తించి , వైద్యుల సలహాలను, సూచనలను పాటిస్తే దాని నుంచి తేలికగా బయట పడవచ్చు.
దీనిని గుర్తించడం కోసం గర్భాశయ క్యాన్సర్ లో సాధారణం గా కనిపించే లక్షణాలను తెలుసుకోవాలి. వాటిగురించి తెలుసుకుందాం.. యోని నుండి నీరు మరియు చెడువాసనతో కూడిన రక్తస్రావం జరగడం,
శృంగారం చేసిన తర్వాత యోనిలో రక్తస్రావం జరగడం, నెలసరి మధ్య, మధ్య లో కూడా రక్తస్రావం జరుగుతుండడం, వీటిలో ఏ ఒక్క లక్షణం కనబడిన కూడా వెంటనే డాక్టర్ ని సంప్రదించి చికిత్స తీసుకోవాలి. దానికి సంబంధించి చికిత్సా విధానాలు ఇలా ఉంటాయి.
గర్భాశయ క్యాన్సర్ అని నిర్ధారణ అయిన తర్వాత భయానికి అసలు అవకాశం ఇవ్వకండి. ఎందుకంటే ఇది నయం చేసుకోగలిగిన వ్యాధి కాబట్టి భయపడవద్దు. ఆపరేషన్ లేదా రేడియేషన్ థెరపీ చేయించుకోవడం వలన గర్భాశయ క్యాన్సర్ ను చాలా వరకు నయం చేసుకోవచ్చు. అయితే ,వ్యాధి తీవ్రమైన దశలోఉంటే మాత్రం , వ్యాధి నియంత్రించగలం కానీ పూర్తిగా నయం చేయడం అనేది మాత్రం కష్టం అవుతుంది.. అని చెప్పక తప్పదు. కాబట్టి ముందుగానే దాన్ని కనిపెట్టడం చాలా ముఖ్యం.
శృంగారం చేయడానికి ముందు స్త్రీలు కు టీకాలు వేయడం మంచిది .ప్రతి మూడు సంవత్సరాల కు పాప్ స్మెర్ పరీక్ష చేయించుకోవడం ఉపయోగకరం. మీకు ఏ మాత్రమే లక్షణాలు కనబడిన వెంటనే డాక్టర్ ని సంప్రదించాలి. రోగ నిర్ధారణ జరిగితే చికిత్స తీసుకోవడానికి వెనుకడుగు వేయకండి.చికిత్స వలన చాలా వరకు నయం అవుతుంది.