Viral Image: కాళ్లు, తల లేని ఓ వింత జంతువు కాలనీవాసులను భయపడుతుందని ఓ మహిళ పోలీసులకు ఫోన్ చేసింది.. సమాచారం అందుకున్న పోలీసులు ఆ ప్రాంతానికి వచ్చారు.. చెట్టుపై వింత జంతువు ని క్షుణ్ణంగా పరిశీలించారు. ఆ తర్వాత ఒక్కసారిగా అందరూ పగలబడి నవ్వారు.. ఎందుకు అనుకుంటున్నారా.. అది అసలు వింత జంతువే కాదు.. ఈ సంఘటనకు సంబంధించిన పూర్తి విశేషాలు తెలుసుకుందాం..
ఈ సంఘటన పోలండ్ లో జరిగింది. క్రాక్ నగరానికి చెందిన ఓ మహిళ తన ఇంటికి సమీపంలోని చెట్టుపై వింత జీవి ఉందని దానిని చూస్తుంటే భయం వేస్తోందని పోలీసులకు ఫోన్ చేసింది. పోలీస్ ఆఫీసర్ ఆడమ్ ఆ వింత జంతువు ఎలా ఉందో చెప్పమని ఆ మహిళ నుంచి వివరాలు సేకరించారు. అయితే ఆ మహిళ చెప్పిన విధానం అనుమానంగా ఉండటంతో వెంటనే ఆ ప్రాంతానికి వెళ్లారు. చెట్టు పై ఉన్న ఆ వింత జీవిని చూశారు. అయితే ఆ జీవి లో ఎలాంటి కదలిక లేదు. దగ్గరికి వెళ్లి చూస్తే షాక్ అయ్యారు. ఎందుకంటే అది అసలు జంతువే కాదు. ఆ దేశంలో లభించే క్రోసియెంట్ (croissant) అనే ఒక రకమైన బ్రెడ్. పక్షులకు ఆహారం అందివ్వడానికి స్థానికులు ఎవరో ఆ బ్రెడ్ చెట్టు పై పెట్టి ఉంటారని పోలీసులు అన్నారు.