Thisara perera: శ్రీలంక ఆల్ రౌండర్ తిసారా పెరీరా అంతర్జాతీయ క్రికెట్ నుంచి రిటైర్మెంట్ అవుతున్నట్లు ప్రకటించాడు. తన రిటైర్మెంట్ నిర్ణయాన్ని శ్రీలంక క్రికెట్ కు సోమవారం ఉదయం తెలియజేశాడు. అయితే తాను ఫ్రాంచైజీ క్రికెట్ ఆడటాన్ని కొనసాగిస్తానని తెలిపాడు.. పెరీరా 32 ఏళ్ల కి ఆట కి స్వస్తి పలికి అందర్నీ ఆశ్చర్యపరిచాడు..
శ్రీలంక తరపున తిసారా 6 టెస్టులు, 166 వన్డేలు, 84 టీ20ల్లో ప్రాతినిధ్యం వహించాడు. ఆరు టెస్టుల్లో 203 పరుగుల చేసి 11 వికెట్లు పడగొట్టాడు. టెస్టుల్లో అంతగా రాణించని పెరీరా.. T20 లో మాత్రం తనదైన ముద్ర వేశాడు.. ఈ లెఫ్ట్ హ్యాండ్ బ్యాట్స్ మెన్ 166 వన్డేలలో 2338 పరుగులు చేశాడు.. అంతేకాకుండా 175 వికెట్లు కూడా తీశాడు.. లంక జట్టు విజయాల్లో కీలక పాత్ర పోషించాడు. 2011 ప్రపంచకప్ ఫైనల్లో కూడా అద్భుత బ్యాటింగ్ చేశాడు. 2014లో శ్రీలంక టి20 ప్రపంచ కప్ విజేత జట్టులో ఫెరీరా కూడా కీలక పాత్ర పోషించాడు. ప్రస్తుతం లంక ప్రీమియర్ లీగ్లో జాఫ్నా స్టాలియన్స్ తరఫున పెరీరా ఆడుతున్నాడు.