Rajinikanth-Mohan Babu: రజినీకాంత్-మోహన్ బాబు Rajinikanth-Mohan Babu వీరిద్దరూ మంచి స్నేహితులుగా అందరికీ సుపరిచితమే. ఇండస్ట్రీలోకి వచ్చిన తొలినాళ్ల నుంచీ వీరి స్నేహం కొనసాగుతోంది. రజినీతో తనకెంత స్నేహం ఉందో మోహన్ బాబు ఎన్నో ఇంటర్వ్యూల్లో చెప్పుకొచ్చారు. ఎన్నోసార్లు వీరు కలుసుకున్న ఫొటోలు వైరల్ అయ్యాయి. సినిమా అంటే ఎక్కువ ఇష్టం ఉన్న తెలుగు, తమిళ భాషల్లో ఇలా హీరోలు కలిసుంటే ఫ్యాన్స్ కు వచ్చే కిక్కే వేరు. ప్రేక్షకులు కూడా ఆనందాన్ని ఇస్తాయి. ఈ జనరేషన్ హీరోలైనా.. గత జనరేషన్ హీరోలైనా ఇదే పరిస్థితి. ప్రస్తుతం సూపర్ స్టార్ రజినీకాంత్, కలెక్షన్ కింగ్ మోహన్ బాబు ప్రేక్షకాభిమానులకు ఇదే ఫీల్ ఇస్తున్నారు. అటువంటి సందర్భాన్ని వీరిద్దరూ మళ్లీ కొత్తగా ఆవిష్కరించారు.. కనువిందు చేస్తున్నారు.
రీసెంట్ గా వీరిద్దరూ కలిసుకున్న ఫొటోలను మోహన్ బాబు తనయుడు మంచు విష్ణు.. తన ట్విట్టర్ అకౌంట్ లో పోస్ట్ చేశాడు. వీటికి ‘The OGs. Original Gangsters! And then goofy Vishnu Manchu’ అనే క్యాప్షన్ ఇచ్చి వీరిద్దరి మధ్య ఉన్న దశాబ్దాల స్నేహం, అనుబంధం ఏస్థాయిలోనిదే ఒక్క మాటలో చెప్పేశాడు విష్ణు. ఇద్దరినీ వైట్ అండ్ వైట్ డ్రెస్సింగ్ లో ఓ స్టైలిష్ ఫొటోషూట్ చేశాడు. చిరునవ్వులు చిందిస్తూ ఇద్దరు స్నేహితులు ఎంతో సంతోషంగా ఉన్నారు. మా మధ్య ఉన్న చనువు ఇదీ అని రజినీ-మోహన్ బాబు చెప్తున్నట్టే ఉంది. వారి మధ్యలో విష్ణు కూడా చేరి ఓ ఫొటో క్లిక్ అనిపించాడు. ప్రస్తుతం వీరిద్దరి పిక్స్ విపరీతంగా వైరల్ అయ్యాయి.
ఇటివలే రజినీ నటిస్తున్న ‘అన్నాతే’ సినిమా షూటింగ్ హైదరాబాద్ లో జరిగింది. ఈ సందర్భంగానే ఈ స్నేహితులిద్దరూ కలుసుకున్నట్టు తెలుస్తోంది. రజినీ ఇదే డ్రెస్సింగ్ తో హైదరాబాద్ వచ్చి, వెళ్లారు. వీరిద్దరి కాంబినేషన్లో 1995లో వచ్చిన పెదరాయుడు సంచలనాలు నమోదు చేసింది. ఇప్పుడు విష్ణు వీరిద్దరి ఫొటోలకే ‘ఒరిజినల్ గ్యాంగ్ స్టర్స్’ అనే పేరు పెట్టాడంటే.. మళ్లీ ఓ సినిమాకు ఇదే కాన్సెప్ట్ తో కథ తయారు చేసి సినిమా తీస్తే.. వీరిద్దరిరీ ఫొటోల్లోనే కాకుండా వెండితెరపై కూడా చూసి మురిసిపోతారు ప్రేక్షకులు. మరి.. మంచు విష్ణు అలా ఏమైనా ప్లాన్ చేస్తాడేమో.. చూడాలి..!