Children: చెడు నుండి రక్షణ :
బయట సమాజం లో జరిగే చెడు సంఘటనల ప్రభావం పిల్లలపై చెడు ప్రభావం చూపే అవకాశం ఉంది. అయినా తల్లిదండ్రులు తమ మంచి మాటల తో వారిలో కాన్ఫిడెన్స్ నిండేలా చేయవచ్చు . నువ్వు చేయలేవు, నీ వల్ల కాదు అని బయట వారు చెబుతూ మీ పిల్లల ఆత్మవిశ్వాసాన్ని దెబ్బతీసే అవకాశం ఉన్న సందర్భాల్లో పాజిటివ్ అఫర్మేషన్స్ బాగా పనిచేస్తాయి.
జీవిత దృక్పథం:
జీవితం లో పాజిటివ్ దృక్పథాన్ని కలిగి ఉన్న పిల్లలు ఎంతో సంతోషంగా ఉంటారు. అంతా మంచే జరుగుతుందన్న నమ్మకం తో వారు ఒత్తిడిని తరిమి కొట్టగలుగుతారు. ఇలాంటి సానుకూల దృక్పథం పిల్లల ఆత్మగౌరవాన్ని పెంచుతుంది. ఇవి మానసిక ఎదుగుదలకు ఎంతగానో సహాయపడతాయి. అలాగే, నెగిటివ్ ఆలోచనలను సమర్థవంతంగా తిప్పి కొట్టగలుగుతారు.
అత్యంత శక్తి వంతమైన పాజిటివిటీ
ఇప్పుడున్న డిజిటల్ ప్రపంచంలో పిల్లలపై ప్రతికూల ప్రభావం పడే అవకాశం ఎక్కువగా ఉంది. కాబట్టి పిల్లల్లో తరచూ పాజిటివిటీని నింపే విధం గా మాట్లాడుతూ ఉండాలి. అలాగే పిల్లల్లో ప్రతికూల పరిస్థితులను సైతం ఎదుర్కొనే శక్తిని నింపాలి.ఇక్కడ బాగా గుర్తు పెట్టుకోవాలిసిన విషయం ఏమిటంటే పిల్లలు తల్లిదండ్రులను చూసే ఎక్కువగా నేర్చుకుంటారు.. కాబట్టి మీలో ఉండే నెగిటివ్ ని ముందు బయటకు పంపండి అని అంటున్నారు అమృత. కాబట్టి పిల్లలు చిన్నగా ఉన్నపటినుండే మీ ప్రయత్నాలు మొదలు పెట్టడం అనేది మంచి పద్దతి..ఆతర్వాత వారే జీవితం లో ఉన్నత శిఖరాలు చేరుకుంటారు.తల్లి దండ్రులుగా అంతకన్నా కావలిసింది ఏముంటుంది.