Children: పిల్లల్లో మానసిక ఎదుగుదల పెంపొందించడానికి వారిలో కొండంత ఆత్మవిశ్వాసం, ఆత్మాభిమానం నింప డానికి వారి చిన్నవయసు నుండే తల్లిదండ్రులు శ్రద్ధ తీసుకోవడం చాలా ముఖ్యం. ‘మేము ఏదైనా సాధించగల సమర్థులం’ అని భావించి పిల్లలు ఆత్మవిశ్వాసంతో ముందుకు వెళ్లేలా తల్లితండ్రులు వారిని తీర్చి దిద్దాలి. నిరుత్సాహపడుతున్న పిల్లలకు పాజిటివ్ మాటలు చెప్పి వారిలో తరిగి పోనీ ఆత్మ విశ్వాసాన్ని నింపాలి. ఈ పాజిటివ్ మాటలనే ఇంగ్లీష్ లో పాజిటివ్ అఫర్మేషన్స్ అని అంటారు. ఇలాంటి వివరాలతో ముంబయికి చెందిన పారిశ్రామికవేత్త అమృత అశ్వనిఒక పుస్తకం కూడా రాయడం జరిగింది. కేవలం పిల్లల కోసం రాసిన “A to Z అఫర్మేషన్ & వెల్నెస్ బుక్ ఫర్ కిడ్స్”ను అమృత రీసెంట్ గా రిలీస్ చేశారు. వన్ ఇయర్ ఏజ్ ఉన్న తన కొడుకు ద్వారా ఇన్స్పిరె అయిన అమృత.. ఈ కిడ్స్ బుక్ కు శ్రీకారం చుట్టారు. పిల్లలకు పాజిటివ్ సెల్ఫ్-టాక్ అలవాటు అయ్యేలా ప్రయత్నం చేయాలని ఆమె తెలియచేస్తున్నారు. పిల్లల మానసిక వికాసం పెంచేందుకు కొన్ని విషయాలు తెలియచేసారు .వాటి గురించి తెలుసుకుందాం.
పిల్లలలో ఆత్మవిశ్వాసం
పేరెంట్స్ తమ పిల్లలను బాగా ప్రోత్సహించాలి. ప్రతి విషయంలోనూ సపోర్ట్ ఇస్తూ ప్రేమను పంచాలి. దింతో పాటు పిల్లలు తమకు తాము ప్రేమించుకునేలా కూడా చేయాలి. దీనినే సెల్ఫ్-లవ్ గా పరిగణిస్తారు. ఈ లక్షణం కలిగినవారు భవిష్యత్తులో అపజయాలకు కుంగిపోకుండా , తమ లక్ష్యం వైపు దూసుకుపోతారు.
పిల్లల ప్రవర్తన విధానం :
పిల్లల ప్రవర్తన అనేది,వారు పెరిగే వాతావరణం మీద ఆధార పడి ఉంటుంది. మంచి కుటుంబ వాతావరణం ఉన్నవారు మంచి ప్రవర్తన కలిగి ఉంటారు. చిన్నతనంలో పిల్లలకు ఎదురయ్యే అనుభవాల మీదనే వారి ప్రవర్తన ఆధారపడి ఉంటుంది. పిల్లలకు తరచూ మంచి మాటలు చెబుతూ మంచి మార్గంలో వెళ్లేలా చేయడం తో పాటు వారి లో ఆత్మవిశ్వాసం పెరిగేలా చేయవచ్చు.